మండిపడుతున్న జనం.. రైల్లో అక్రమ నీళ్ల దందా బట్టబయలు.. వీడియో వైరల్!

గోరఖ్‌పూర్-లోకమాన్య తిలక్ సూపర్‌ఫాస్ట్ ఎక్స్‌ప్రెస్ (20104)(Gorakhpur-Lokamanya Tilak Superfast Express (20104) రైల్లో జరుగుతున్న అక్రమ నీళ్ల బాటిళ్ల అమ్మకం వ్యవహారం ఒక వీడియో ద్వారా బయటపడింది.

ఈ వీడియో సోషల్ మీడియాలో వైరల్ కావడంతో జనం భగ్గుమంటున్నారు.

రైల్వే మంత్రి అశ్విని వైష్ణవ్‌పైOn Railway Minister Ashwini Vaishnav) తీవ్ర స్థాయిలో విమర్శలు చేస్తున్నారు.రైల్వే శాఖలో అవినీతి ఏ స్థాయిలో ఉందో అంటూ మండిపడుతున్నారు.

ఒక జర్నలిస్ట్ సోషల్ మీడియాలో షేర్ చేసిన ఈ వీడియోలో, ఒక ప్రయాణికుడు అక్రమంగా నీళ్ల బాటిళ్లు అమ్ముతున్న వ్యాపారులను నిలదీస్తున్నాడు.ఏసీ బోగీలో రైల్వే శాఖకు చెందిన "రైల్‌ నీర్‌(Rail Neer)" వాటర్ బాటిళ్లు అందుబాటులో ఉన్నా కూడా, వ్యాపారులు మాత్రం లోకల్ బ్రాండ్లను అంటగడుతున్నారు.

అంతేకాదు, పాన్ మసాలా అమ్ముకునే ఒక వ్యక్తి ఏసీ బోగీలోకి ఎలా వచ్చాడని కూడా ఆ ప్రయాణికుడు ప్రశ్నించాడు.వాదన జరుగుతుండగానే, ప్యాంట్రీ మేనేజర్(Pantry Manager) అక్కడికి వచ్చి వీడియో తీయొద్దని ప్రయాణికుడిని కోరాడు.

కానీ ప్రయాణికుడు మాత్రం ఆగకుండా రైల్వే క్యాటరింగ్ వ్యవస్థ ఎంత దారుణంగా ఉందో, నిర్వహణ ఎంత అధ్వాన్నంగా ఉందో విమర్శిస్తూనే ఉన్నాడు.ఇంతలో వీడియో సడన్‌గా ఆగిపోయింది.