వారానికి 2 సార్లు ఇలా ఆవిరి పట్టారంటే మొటిమలు మచ్చలు లేని మెరిసే చర్మం మీ సొంతమ‌వుతుంది!

ముఖ చర్మం ఎటువంటి మొటిమ‌లు మచ్చలు లేకుండా అందంగా, కాంతివంతంగా మెరిసిపోవాలని ఎవరు కోరుకోరు చెప్పండి.

అటువంటి చర్మాన్ని పొందడం కోసం చాలా ఖరీదైన చర్మ ఉత్పత్తులను వాడేవారు మనలో ఎంతో మంది ఉన్నారు.

అలాగే వారానికి ఒకటి రెండుసార్లు త‌మ‌కు తెలిసిన బ్యూటీ టిప్స్ కూడా పాటిస్తూ ఉంటాను.అయితే అందాన్ని పెంచడంలో ఫేస్‌ స్టీమింగ్ కూడా ఎంతో బాగా సహాయపడుతుంది.

ముఖానికి ఆవిరి పట్టడాన్నే ఫేస్ స్టీమింగ్ అని అంటాము.ఇది అత్యంత సులువైన పద్ధతి.

కానీ దాని ప్రయోజనాలు మాత్రం అంతులేని విధంగా ఉంటాయి.అందుకోసం ముందుగా ముఖంపై ఏమైనా మేకప్ లేదా క్రీమ్స్ ఉంటే తొలగించి వాటర్ తో శుభ్రంగా ఫేస్ వాష్ చేసుకోవాలి.

ఆ తర్వాత బాగా మరిగించిన నీటితో ముఖానికి ఆవిరి పట్టించాలి.ఐదు నుంచి ఆరు నిమిషాల పాటు ఆవిరి పట్టించిన అనంతరం ఎటువంటి క్రీమ్స్ రాయకుండా చర్మాన్ని కాసేపు అలా వదిలేయాలి.

వారానికి రెండు సార్లు ఫేస్ స్టీమింగ్ చేసుకోవడం వల్ల చాలా ప్రయోజనాలు పొందుతారు.