నిండు గర్భిణి కారును ఢీ కొట్టిన అల్లు అర్జున్.. ఆరోజును తలచుకుంటే బన్నీ ఇప్పటికీ బాధ పడతారా?

PR Reddy

Flash News Reporter

2023-10-11   11:22:02  IST

ఐకాన్ స్టార్ అల్లు అర్జున్( Allu Arjun ) కు కెరీర్ పరంగా అంతా అనుకూలంగా జరుగుతోంది.

Ad

అల వైకుంఠపురములో, పుష్ప ది రైజ్ ( Pushpa )సినిమాలతో బ్యాక్ టు బ్యాక్ నాన్ బాహుబలి రికార్డులను సొంతం చేసుకున్న బన్నీ పుష్ప ది రూల్ తో మరోమారు బాక్సాఫీస్ వద్ద సత్తా చాటుతాననే నమ్మకాన్ని కలిగి ఉన్నారు.

మాస్ రోల్స్ అయినా, క్లాస్ రోల్స్ అయినా తన నటనతో నూటికి నూరు శాతం న్యాయం చేసే బన్నీ మనస్సు మాత్రం చాలా సెన్సిటివ్ అని సమాచారం.

అయితే తన జీవితంలో జరిగిన ఒక యాక్సిడెంట్ బన్నీ జీవితాన్ని పూర్తిగా మార్చేసిందట.ఆ యాక్సిడెంట్ అనంతరం బన్నీ డ్రైవింగ్ చేసే సమయంలో ఎన్నో జాగ్రత్తలు తీసుకునేవారని సమాచారం.బన్నీ డ్రైవింగ్ సీట్ లో కూర్చున్న ప్రతి సందర్భంలో ఈ సంఘటన గుర్తుకు వస్తుందట.

బన్నీకి 19 సంవత్సరాల వయస్సు ఉన్న సమయంలో ఒక ఫ్రెండ్ తో కలిసి హోటల్ కు వెళ్లగా ఆ సమయంలో ఫ్రెండ్ తో బన్నీకి గొడవ జరిగిందట.కోపంగా లేచి వెళ్లిపోతున్న ఫ్రెండ్ ను ఆపడానికి బన్నీ కారులో బయలుదేరగా వేగంగా వెళ్లడం వల్ల ముందున్న కారును ఢీ కొట్టాడట.

అయితే ఢీ కొట్టిన కారుకు ఏమీ కాకపోవడంతో బన్నీ వాళ్లకు క్షమాపణలు చెప్పాడు.ఆ సమయంలో వర్షం పడుతుండగా బన్నీ ఢీ కొట్టిన కారు వెనుక సీటులో నిండు గర్భిణి ఉన్నారట.

బన్నీని ఏమీ అనకపోయినా ఆమె సీరియస్ గా చూసిన చూపును మాత్రం బన్నీ ఇప్పటికీ మరిచిపోలేదట.