మోడీ యూఎస్ టూర్ .. అమెరికన్ సింగర్ ప్రదర్శన, ఎవరీ మేరీ మిల్‌బెన్..?

ప్రధాని నరేంద్ర మోడీ ( Prime Minister Narendra Modi )మరికొద్దిగంటల్లో అమెరికా గడ్డపై అడుగుపెట్టనున్నారు.ఆయన రాక కోసం అమెరికన్లు, ప్రవాస భారతీయులు ఎదురుచూస్తున్నారు.

అలాగే మోడీకి స్వాగతం పలికేందుకు భారీ ఏర్పాట్లు చేశారు.జూన్ 21 నుంచి 23 వరకు ప్రధాని మోడీ అధికారిక, అనధికారిక కార్యక్రమాల్లో పాల్గొననున్నారు.

భారతీయ ప్రవాసులు నిర్వహించే సాంస్కృతి కార్యక్రమాల్లో కూడా మోడీ పాల్గొంటారు.అయితే ప్రముఖ ఆఫ్రికన్ అమెరికన్ గాయని మేరీ మిల్‌బెన్ ( American singer Mary Milben )మోడీ సమక్షంలో ప్రదర్శన ఇవ్వనున్నారు.

న్యూయార్క్, వాషింగ్టన్‌లలో జరిగే కార్యక్రమాలలలో మిల్‌బెన్ షోలను నిర్వాహాకులు ఏర్పాటు చేశారు.మిల్‌బెన్ గతంలో భారత జాతీయ గీతం జనగణమన, ఓం జై జగదీష హరే పాటలను పాడి భారతీయులకు దగ్గరయ్యారు.