Agent : ఏజెంట్ నష్టాల సెటిల్మెంట్ కష్టాల్లో మూవీ మేకర్స్.. సురేందర్ రెడ్డి పరిష్కారం చూపించనున్నాడా?

టాలీవుడ్ యంగ్ హీరో అఖిల్ అక్కినేని( Akhil Akkineni ) నటించిన తాజా చిత్రం ఏజెంట్( agent ).

సురేందర్ రెడ్డి దర్శకత్వం వహించిన ఈ సినిమా భారీ అంచనాల నడుమ విడుదల అయ్యి ఊహించని విధంగా డిజాస్టర్ గా నిలిచింది.

కోట్ల బడ్జెట్ తో నిర్మితమైన ఈ సినిమా పాన్ ఇండియా లెవెల్ లో విడుదల అయ్యి దారుణంగా డిజాస్టర్ ను చవి చూసింది.ఈ సినిమా తప్పకుండా బ్లాక్ బస్టర్ హిట్ అవుతుంది అని అభిమానులు ప్రేక్షకులు భావించారు.

అంతే కాకుండా ఈ సినిమాతో అఖిల్ కెరియర్ టర్న్ అవుతుందని కూడా భావించారు.కానీ ఏజెంట్ సినిమా ఆ అంచనాలను మాత్రం అందుకోలేకపోయింది.

స్పై యాక్షన్‌ మూవీగా తెరకెక్కిన ఈ సినిమా ఆశించనంతగా ప్రేక్షకులను ఆకట్టుకోలేకపోయింది.అంతేకాకుండా విడుదలైన మొదటి రోజే నెగటివ్ టాక్ ని సొంతం చేసుకోవడంతో ప్రేక్షకులు కనీసం సినిమా థియేటర్ వైపు వెళ్లడం కూడా మానేశారు.దాదాపు 80కోట్ల బడ్జెట్‌ తో తెరకెక్కిన ఈ సినిమా క్లోజింగ్‌ కలెక్షన్లు పది కోట్లు కూడా రాలేదు.14కోట్ల గ్రాస్‌, ఏడో కోట్ల నెట్‌ వచ్చింది.కాగా ఈ సినిమా థియేట్రికల్‌ రైట్స్ ని గాయత్రి ఫిల్మ్స్ సింగిల్‌గా తీసుకుంది.

దాదాపుగా 25కోట్లకి థియేట్రికల్‌ రైట్స్ దక్కించుకుందని సమాచారం.అంతిమంగా ఇది సుమారు ఇరవై కోట్ల వరకు నష్టాలను చవిచూసింది.