వావ్, చెత్త నుంచి ఎలక్ట్రిక్ స్కూటర్ తయారుచేసిన యువకుడు...

సాధారణంగా చదువుకోకపోయినా కొంతమంది అసాధారణమైన తెలివిని ఉపయోగించే అద్భుతమైన ఆవిష్కరణలను రూపొందిస్తుంటారు.వీరి ఇన్నోవేషన్స్ చూస్తే ఎవరైనా సరే ఆశ్చర్యపోక తప్పదు.

తాజాగా బిహార్‌( Bihar )లోని సమస్తిపూర్ జిల్లాలోని పటోరి గ్రామానికి చెందిన 20 ఏళ్ల కార్ వాషింగ్ అటెండెంట్ మహ్మద్ రియాజ్ ( Mohammad Riyaz )బ్యాటరీతో నడిచే బైక్‌ను రూపొందించి వార్తల్లో నిలిచాడు.రియాజ్ సమీపంలోని స్క్రాప్‌యార్డ్స్ నుంచి కొనుగోలు చేసిన విడిభాగాలను ఉపయోగించి ఈ బైక్‌ను నిర్మించాడు.

విశేషమేమిటంటే, ఈ బైక్ ఎటువంటి పెట్రోలు ఉపయోగించకుండా గంటకు 40 కిలోమీటర్ల వేగాన్ని అందుకోగలదు.ఒకసారి పూర్తిగా ఛార్జ్ చేస్తే 50 కిలోమీటర్లకు పైగా ప్రయాణించవచ్చు.

బ్యాటరీ స్థాయిని పర్యవేక్షించేందుకు రియాజ్ బైక్‌పై డిజిటల్ మీటర్‌ను కూడా అమర్చాడు.ఈ ఆకట్టుకునే ఆవిష్కరణ చూసి సమస్తిపూర్ జిల్లా అంతటా ప్రశంసలు కురిపిస్తున్నారు.

కీ లేదా స్విచ్ అవసరం లేకుండా బైక్‌ను రిమోట్‌గా ప్రారంభించవచ్చు.