కేరళలో రైలు బోగీ లాంటి వింత ఇల్లు.. చూస్తే ఫిదా అవుతారు..

తమ ఇల్లు చాలా అందంగా ఉండాలని అందరూ కోరుకుంటారు.అందుకే చాలామంది ఇళ్లని రకరకాలుగా డెకరేట్ చేస్తారు.

కానీ కేరళలో( Kerala ) ఒక ఇల్లు మాత్రం మామూలుగా లేదు.అది చూస్తే మాత్రం ఫిదా అయిపోతారు.

కోజికోడ్‌లో ఉన్న ఈ ఇల్లు ఇప్పుడు సోషల్ మీడియాలో బాగా వైరల్ అవుతోంది.కారణం ఏంటంటే, ఆ ఇంటి ప్రహరీ గోడ రైలు బోగీలా ఉండటమే.

నిజంగా ట్రైన్ బోగీనే తలపిస్తూ, చక్రాలు, కంపార్ట్‌మెంట్లు అన్నీ అచ్చుగుద్దినట్టు ఉన్నాయి.ఎంత క్రియేటివిటీనో కదా అని అటువైపుగా వెళ్లేవారు నోరెళ్లబెడుతున్నారు.

ఇంకా మజా ఏంటంటే.గోడ మీద 2019 అని రాసి ఉంది, అంటే అప్పుడే కట్టారన్నమాట.

అంతే కాదు, 22597 పాలంగాడ్ ఎక్స్‌ప్రెస్ అని పేరు కూడా పెట్టారు.కుంజిప్ప ఆరంభ్రమ్ అనే ఇన్‌స్టా యూజర్ ఈ వీడియోను షేర్ చేశారు.

కోజికోడ్ నరిక్కుని పాలంగాడ్ ఎక్స్‌ప్రెస్ బయలుదేరుతుంది అని క్యాప్షన్ కూడా పెట్టారు, అది కూడా సూపర్‌గా సూట్ అయింది.