పిల్లి గీరడంతో మృతి చెందిన రష్యన్ వ్యక్తి.. షాక్‌లో ఫ్యామిలీ!

కొన్నిసార్లు మనం ఇష్టంగా పెంచుకునే జంతువులే మన ప్రాణాలను ప్రమాదంలో పడేస్తాయి.

పెంపుడు జంతువులు కావాలని హాని తలపెట్టవు కానీ అనుకోకుండా జరిగే దృష్టకర సంఘటనలలో యజమానులు గాయపడుతుంటారు.

కొన్నిసార్లు వారు ప్రాణాలు కూడా కోల్పోతారు.ఇటీవల ఒక రష్యన్ వ్యక్తి( Russian ) తన పిల్లి( Cat ) గీరడం వల్ల తీవ్రగాయమై చనిపోయాడు.

ఈ విషాద సంఘటన కుటుంబ సభ్యులను తీవ్ర శోకంలోకి నెట్టింది.వివరాల్లోకి వెళ్తే, డిమిత్రి యుఖిన్( Dmitry Yukhin ) అనే ఆ వ్యక్తికి షుగర్ వ్యాధితో పాటు రక్తం గడ్డకట్టే సమస్య కూడా ఉంది.

ఈ ఆరోగ్య సమస్యల కారణంగా, చిన్న గాయాలు కూడా అతనికి ప్రాణాంతకంగా మారేవి.నవంబర్ 22వ తేదీ రాత్రి 11 గంటల సమయంలో, డిమిత్రి పెంపుడు పిల్లి ఇంటి నుంచి పారిపోయింది.

దీంతో ఆందోళన చెందిన డిమిత్రి, తన ఇంటి దగ్గర ఉన్న అడవిలో పిల్లిని వెతకడానికి వెళ్లాడు.కొంత సేపటి తర్వాత పిల్లిని కనుగొన్నాడు.

అయితే, పిల్లిని వెతుకుతున్న సమయంలో, పిల్లి అతని కాలిని గట్టిగా గీరింది.దాంతో అతనికి గాయమై, దాన్నుంచి రక్తం కారడం మొదలయ్యింది.