ఆ ఎంపీ గారు జగన్ ను లెక్కచేయకపోవడం వెనుక ఇంత కదా ఉందా ?

పార్టీ అధ్యక్షుడు, సీఎం జగన్ ఇప్పటికే ప్రతిపక్షాల నుంచి విమర్శలు ఎదుర్కొంటున్నాడు.అదే సమయంలో ఈ ఏంపీగారు ప్రతిపక్షాలకు ఆయుధం ఇచ్చేలా పార్లమెంట్ లో తెలుగు భాష గురించి మాట్లాడి వైసీపీని మరంత ఇరుకున పడేశాడు.అయితే తాను ఏ తప్పు చేయలేదని, నేను తప్పు చేసినట్లు నిరూపిస్తే ఏ శిక్షకైనా సిద్ధం అంటూ రఘురామకృష్ణంరాజు చెబుతున్నారు.తాను యాదృచ్చికంగానే పార్లమెంలో తెలుగు భాష గురించి మాట్లాడానని, వైసీపీని ఇబ్బంది పెట్టే ఆలోచన తనకు లేదని రఘురామకృష్ణంరాజు చెప్పుకుంటున్నారు.

ఇక రఘురామకృష్ణంరాజు వ్యవహారంలో చాలావరకు డామేజ్ అవడంతో ఈ విషయాన్ని సీరియస్ గా తీసుకున్న జగన్ రఘురామకృష్ణం రాజు కు గట్టిగా వార్నింగ్ ఇవ్వాల్సిందిగా గోదావరి జిల్లాల పార్టీ ఇంచార్జి వై వి సుబ్బారెడ్డి కి ఆదేశాలు జారీ చేసినట్టు తెలుస్తోంది.

పార్టీ క్రమశిక్షణ విషయంలో ఎవరు ఎదురుతిరిగినా తాను ఉపేక్షించమని జగన్ సీరియస్ గానే సుబ్బారెడ్డి తో చెప్పడం, ఈ మేరకు సుబ్బారెడ్డి ఫోన్ లో రఘురామ కృష్ణంరాజు తో మాట్లాడి జగన్ ఆగ్రహం గురించి చెప్పారట.అయితే తాను ఏ తప్పు చేయలేదని అవసరమైతే దీనిపై వివరణ ఇస్తానని చెప్పాడట.ప్రస్తుతం వైసీపీలో ఈ వ్యవహారం హాట్ టాపిక్ గా మారింది.

అదీకాకుండా ఎంపీగా గెలిచిన దగ్గర్నుంచి రఘురామకృష్ణంరాజు వైసీపీ తరఫున కాకుండా తన సొంత ఇమేజ్ ను పెంచుకుంటూ బిజెపి నాయకులతో దగ్గరగా సంబంధాలు ఏర్పాటు చేసుకుంటున్నారు.ఆయనకు తమిళనాడు ఈశాన్య రాష్ట్రాలలో పవర్ ప్లాంట్స్ తో పాటు అనేక వ్యాపారాలు ఉండడంతో రఘురామకృష్ణంరాజు బీజేపీతో తప్పనిసరిగా సన్నిహిత సంబంధాలు ఏర్పాటు చేసుకోవాల్సిన పరిస్థితి ఆయనకి ఏర్పడింది.

ఈ నేపథ్యంలోనే ఆయన వైసీపీ కన్నా బిజెపితోనే ఎక్కువ టచ్ లో ఉంటూ జగన్ కు ఆగ్రహం తెప్పిస్తున్నట్టుగా తెలుస్తోంది.జగన్ ఆగ్రహం ఎంత దూరం తీసుకువెళుతుంది అనేది తెలియకపోయినా, వైసిపి తన విషయంలో ఏ నిర్ణయం తీసుకున్నా ఫర్వాలేదు తనకు బీజేపీ అండ ఎలాగూ ఉంది అన్నట్టు గా రఘురామకృష్ణంరాజు ఉన్నట్టుగా అర్థం అవుతోంది.మొత్తానికి ఈ వ్యవహారం వైసీపీలో ప్రకంపనలు రేకెత్తిస్తుంది.కృష్ణంరాజు పార్టీని వీడితే ఆయన బాటలో మరికొందరు వెళ్లే ప్రమాదం ఉందని వైసిపి భయపడుతోంది.