రాజు గారిపై జగన్ రాజకీయం ? అదే ఆయన భయం ?

జగన్ మాత్రం ఈ విషయంలో అసలు ఏమాత్రం స్పందించడం లేదు సరికదా, పట్టించుకోనట్టు వ్యవహరిస్తున్నారు.అంతేకాదు, పార్టీ నాయకులను సైతం రఘురామకృష్ణంరాజు వ్యవహారంలో ఎటువంటి విమర్శలు చేయవద్దని సూచించడంతో, కొంతకాలంగా రాజకీయ వాతావరణం చల్లబడింది.కానీ రఘురామకృష్ణంరాజు మాత్రం ఈ విషయంలో ఎక్కడా వెనక్కి తగ్గడం లేదు.

నిత్యం ఏదో ఒక అంశంపై ప్రభుత్వాన్ని విమర్శిస్తూ, మీడియా ముందు హడావుడి చేస్తూ, వైసీపీ ప్రభుత్వానికి ఆగ్రహం కలిగించే విధంగా ప్రయత్నాలు చేస్తున్నా, జగన్ మాత్రం పట్టించుకోవడం లేదు.

ఒకవేళ రఘురామకృష్ణంరాజు విషయంలో స్పందిస్తే, అనవసరంగా ఆయనకు ప్రాధాన్యం పెరిగిపోతుందని, అలాగే ఆయనపై సస్పెన్షన్ వేటు వేస్తే ,యథేచ్ఛగా బిజెపిలో చేరేందుకు అవకాశం ఇచ్చినట్లు అవుతుందనే అభిప్రాయంలో జగన్ ఉండడంతో, రఘురామకష్ణంరాజు ఎంతగా కవ్విస్తున్నా, జగన్ మాత్రం అవేవీ పట్టించుకోనట్టు గానే ముందుకు వెళ్తున్నారు.

కానీ తెరవెనుక మాత్రం రఘురామకృష్ణంరాజు కు వ్యతిరేకంగా, ఢిల్లీ స్థాయిలో వైసీపీ ఎంపీలు హడావుడి చేస్తూ వస్తున్నారు.లోక్ సభ స్పీకర్ కు రఘురామకృష్ణంరాజు వ్యవహారంపై ఫిర్యాదు చేయడమే కాకుండా, సస్పెన్షన్ వేటు వేయాల్సిందిగా కోరారు.

తాను వైసీపీ ప్రభుత్వం పైనా, ఆ పార్టీ విధానాలపైనా పెద్ద ఎత్తున విమర్శలు చేస్తున్నా, కనీసం ఆ పార్టీ నాయకులు ఎవరు స్పందించకపోవడంపై అనర్హత వేటు వేయించేందుకు తెరవెనుక ప్రయత్నాలు చేస్తుండటం, అదే సమయంలో బిజెపి నుంచి తనకు సరైన మద్దతు లభించకపోవడం వంటివి రఘురామకృష్ణం రాజు కి మింగుడుపడడంలేదు.అసలు తనకంటే వైసీపీతోనే ఎక్కువ అవసరం ఉండడంతో తనను బీజేపీ పట్టించుకోదు అనే అభిప్రాయంలో రాజుగారు ఆందోళన చెందుతున్నట్టుగా కనిపిస్తోంది.