ఆ సభలో వైసీపీ అభ్యర్థుల లిస్ట్ ప్రకటించబోతున్నారా ...?

వాస్తవంగా టీడీపీ లో టికెట్ల కేటాయింపులన్నీ… నామినేషన్స్ వేసే ముందు మాత్రమే ప్రకటించి… చివరి వరకు సస్పెన్స్ కొనసాగిస్తుంటారు.కానీ మారిన రాజకీయ పరిస్థితుల నేపథ్యంలో … ఇప్పుడు ముందస్తుగా అభ్యర్థుల లిస్ట్ ప్రకటించేందుకు బాబు సిద్ధం అవుతున్నాడు.అయితే బాబు వేసే ప్రతి ఎత్తుకి… పై ఎత్తు వేసే వైసీపీ అధినేత జగన్ కూడా ఇప్పుడు తన రాజకీయాన్ని మార్చుకున్నారు.టీడీపీ వేసే ప్రతి అడుగుకి … ముందడుగు వేసేలా… జగన్ తగిన వ్యూహాలను సిద్ధం చేసుకుంటున్నాడు.

అందుకే పార్టీ అభ్యర్థుల విషయంలో ఆయన బహిరంగ ప్రకటనలేమీ చేయకుండానే.అభ్యర్థుల్ని ప్రకటించేందుకు సిద్ధం అవుతున్నారట.శ్రీకాకుళం జిల్లాలో జగన్ పాదయాత్ర జనవరి ఎనిమిది లేదా తొమ్మిదో తేదీన ముగుస్తుంది.అందుకోసం భారీగా ఏర్పాట్లు చేస్తున్నారు.

భారీ బహిరంగసభ ఏర్పాటు చేస్తున్నారు.పైలాన్ కూడా సిద్ధం చేస్తున్నారు.

ఈ సభలోనే 120 మంది అభ్యర్థుల జాబితాను ప్రకటించబోతున్నారని టాక్ నడుస్తోంది.

ఈ మేరకు ఇప్పటికే వైసీపీ రాజకీయ వ్యూహకర్త ప్రశాంత్ కిషోర్ టీమ్ అనేక సర్వేలను నిర్వహించి అభ్యర్థుల జాబితా రెడీ చేసినట్టు సమాచారం.అదీ కాకుండా ఈ మధ్యకాలంలో వైసీపీ లో అనేక భారీ ప్రక్షాళనలు జరిగాయి.చాలామంది వైసీపీ నియోజకవర్గ ఇంచార్జిలను మార్చి .కొత్తవారికి అవకాశం కల్పించారు.వీరిలో అత్యంత నమ్మకస్తులైన వారిని కూడా జగన్ తప్పించారు.

వారెవరికీ.చివరి నిమిషంలో కూడా టిక్కెట్లు ఇవ్వడం లేదని.

కొత్తగా సమన్వయకర్తలుగా నియమించిన వారికే టిక్కెట్లు ప్రకటించబోతున్నారని తెలుస్తోంది.ఇటువంటి చోట్ల అభ్యర్థిత్వాలు ఖరారు చేస్తే.

పార్టీ మీద అభిమానం ఉన్నవాళ్లు ఉంటారు… లేని వాళ్ళు తమ దారి తాము చూసుకుంటారు అనే ఆలోచనలో జగన్ ఉన్నారట.మొత్తానికి వైసీపీ టీడీపీకంటే ముందుగానే అభ్యర్థులను ప్రకటిస్తే అది పెద్ద సంచలనమే అవుతుంది అందంలో సందేహమే లేదు.