జగన్ చిరు భేటీ ...? జనసేన - వైసీపీ పొత్తు పై క్లారిటీ వచ్చిందా ...?

కొద్దిరోజుల క్రితం వైసీపీ నేతలతో… పవన్ అన్నయ్య నాగబాబు భేటీ అయ్యాడని… పొత్తులు విషయంలో క్లారిటీ రాబోతోంది అని వార్తలు వచ్చిన నేపథ్యంలోనే తాజాగా… మెగాస్టార్ చిరంజీవి కూడా… జగన్ తో భేటీ అయ్యారనే వార్తలు సంచలనం సృష్టిస్తున్నాయి.అంతే కాదు దీనికి సంబంధించి జగన్, చిరంజీవులు ఆత్మీయంగా ఆలింగనం చేసుకున్న ఫోటోలు ఇప్పుడు సోషల్ మీడియాలో కూడా వైరల్ అవుతున్నాయి.అయితే ఫోటోను చూస్తే రెండు రోజుల క్రితమే జగన్ ని చిరంజీవి కలిశారంటూ కూడా ప్రచారం జోరుగా సాగుతోంది.

జగన్ తో చిరంజీవి భేటీ కావడం వెనుక ఆంతర్యం చాలా దాగి ఉందని ప్రచారం జరుగుతుంది.రాజకీయాల్లో బలమైన నాయకుడిగా ముద్ర వేయించుకున్న చంద్రబాబును రాజకీయ చాణుక్యుడుగా పిలుస్తారు.

ఎన్నికల సమయంలో ఏదో చేసి గెలుపొందేలా ప్లాన్ లు వేస్తారని అంతా చెప్పుకుంటారు.అటువంటి బాబు ని విడి విడిగా ఎదుర్కోవడం కంటే… కలిసి పోటీ చేసి టీడీపీ ని ఓడించవచ్చని….

అందుకే ఈ రెండు పార్టీలు కలిసి ముందుకు వెళ్లే ఆలోచనలో ఉన్నట్టు తెలుస్తోంది.

జనసేన పార్టీకి చెందిన ప్రతినిధులు, వైసీపీ కి చెందిన నేతలతో ఇటీవలే భేటీ అయ్యారని ప్రచారం జరగుతోంది.ఆ భేటీలో జనసేన 45 అసెంబ్లీ స్థానాలను 8 పార్లమెంట్ స్థానాలను ఇవ్వాలంటూ ప్రతిపాదించినట్లు ప్రచారం జరుగుతోంది.ఇదే అంశాన్ని ఏపీ టీడీపీ రాష్ట్ర అధ్యక్షుడు మంత్రి కళా వెంకట్రావు సైతం ఆరోపించారు.

జనసేన పార్టీ, వైఎస్ఆర్ కాంగ్రెస్ పార్టీలు రహస్యంగా కలుసుకుంది వాస్తవం కాదా అంటూ నిలదీస్తున్నారు.ఇక జగన్ కి పవన్ కి మధ్య కొంతకాలం క్రితం వ్యక్తిగత దూషణలు శృతిమించడంతో…ఈ రెండు పార్టీల పొత్తుకు అడ్డం పడే అవకాశం ఉండడంతో నేరుగా చిరు రంగంలోకి దిగారనే ప్రచారం జరుగుతోంది.

అదీకాకుండా ఈ వ్యవహారాలన్నీ ఒక కొలిక్కి వస్తే మెల్లిగా మెగా ఎంట్రీ ఇచ్చేనందుకు చిరు కూడా మంచి ఉత్సాహంగా ఉన్నాడు.అయితే ఈ పొత్తు వ్యవహారం ఎప్పటికి తేలుతుందో చూడాలి.