మెగాస్టార్ చిరంజీవి చూడాలని ఉంది సినిమాలో అయిదేళ్ల బాలుడిగా కనిపించిన తేజ సజ్జ ఆ తర్వాత పదుల కొద్ది సినిమా ల్లో బాల నటుడిగా కనిపించి మెప్పించాడు.ముఖ్యంగా ఇంద్ర సినిమా లో చిరంజీవి చిన్నప్పటి పాత్ర చేసినందుకు గాను ఆ బుడ్డోడికి వచ్చినంత పాపులారిటీ మరే బుల్లి స్టార్ కు వచ్చి ఉండదు.
బుడ్డ ఇంద్ర అంటూ ఇప్పటికి అతడిని పిలుస్తున్నాం అంటే ఏ రేంజ్ లో ఆ పాత్ర సక్సెస్ అయ్యిందో అర్థం చేసుకోవచ్చు.ఈ బుడ్డోడు ఓ బేబీ సినిమా తో నటుడిగా కొత్త ఇన్నింగ్స్ ను మొదలు పెట్టాడు.
జాంబీ రెడ్డి తో హీరోగా మొదటి సినిమాను దక్కించుకున్నాడు.జాంబి రెడ్డి సక్సెస్ అవ్వడంతో ఈ బుడ్డోడు ఇక ఆగడం లేదు.
వరుసగా సినిమా లు చేసుకుంటూ వస్తున్నాడు.
జాంబిరెడ్డి ఈ ఏడాదిలోనే విడుదల అయ్యింది.ఇంతలోనే ప్రియా ప్రకాష్‌ వారియర్‌ తో కలిసి నటించిన ఇష్క్‌ సినిమా ను పూర్తి చేశాడు.కరోనా కారణంగా ఆలస్యం అవుతున్న ఆ సినిమా త్వరలోనే ప్రేక్షకుల ముందుకు రాబోతుంది.
ఇష్క కాకుండా మరో రెండు సినిమా లు కూడా తేజ సజ్జా ఓకే చేశాడు.అందులో జాంబి రెడ్డి దర్శకుడు ప్రశాంత్ వర్మ సినిమా హను మ్యాన్ కాగా మరోటి అద్బుతం.
జీవిత రాజశేఖర్‌ ల కూతురు శివాని రాజశేఖర్‌ ఈ సినిమా లో హీరోయిన్ గా నటిస్తున్న విషయం తెల్సిందే.ఈ సినిమా ఫస్ట్‌ లుక్ ను శివాని బర్త్‌ డే సందర్బంగా విడుదల చేశారు.
తేజ సజ్జా వరుసగా ఈ ఏడాదిలోనే నాలుగు సినిమా లతో ప్రేక్షకుల ముందుకు రాబోతున్నాడు.ఎంట్రీ ఇచ్చిన సంవత్సరంలోనే నాలుగు సినిమా లు అంటే మామూలు విషయం కాదు.
ఆ అరుదైన ఘనత ఈ బుడ్డ ఇంద్రుడికి దక్కింది.ముందు ముందు ఈయన కెరీర్‌ ఇలాగే ఉంటుందా అనేది చూడాలి.
