ఒకప్పుడు స్టార్ డైరెక్టర్ గా రాణించిన వి.వి.
వినాయక్ ప్రస్తుతం హీరో గా తెరంగ్రేటం చేసే ప్రయత్నాలు చేస్తున్న విషయం తెలిసిందే.దిల్ రాజు నిర్మాణ సారధ్యంలో వి.వి.వినాయక్ హీరోగా నరసింహారావు అనే నూతన దర్శకుడి దర్శకత్వంలో ‘సీనయ్య ‘ పేరుతో ఒక చిత్రం తెరకెక్కుతుంది.ఇప్పటికే ఈ చిత్రం యొక్క ఫస్ట్ లుక్ పోస్టర్ రిలీజ్ అయి విశేష స్పందన కూడా లభించింది.ప్రస్తుతం షూటింగ్ జరుపుకుంటున్న ఈ చిత్రం గురించి మరో ఆసక్తికర విషయం బయటకు వచ్చింది.
అదేమిటంటే ఈ చిత్రంలో విలన్ గా ఒక యంగ్ హీరో కనిపించనున్నట్లు సమాచారం.‘అందాల రాక్షసి’ ఫేమ్ నవీన్ చంద్ర ఈ చిత్రంలో నెగిటివ్ షేడ్స్ ఉన్న పాత్రలో నటిస్తున్నట్లు ప్రచారం జరుగుతుంది.అయితే చిత్ర బృందం నుంచి సరైన అప్ డేట్ రానప్పటికీ ప్రస్తుతం ఈ న్యూస్ సోషల్ మీడియా లో వైరల్ గా మారింది.ఇంతకుముందు నవీన్ ‘నేను లోకల్’ వంటి పలు చిత్రాల్లో నెగటివ్ షేడ్స్ ఉన్న పాత్రల్లో నటించి మెప్పించిన విషయం తెలిసిందే.
ఇక ఈ సినిమాలో నవీన్ వినాయక్తో పోటీ పడి మరీ తన విలనిజంను చూపించనున్నాడట.మరి ఈ న్యూస్ పై ఒక క్లారిటీ కావాలి అంటే మాత్రం కొద్దీ రోజులు ఆగాల్సిందే.
డైరెక్టర్ గా ఎన్నో హిట్ చిత్రాలకు దర్శకత్వం వహించిన వినాయక్ ఇప్పుడు హీరో గా ఏ మేరకు రాణిస్తారో వేచి చూడాల్సిందే.