నిండా 30 ఏళ్లు కూడా లేని కుర్ర నటుడు అనుమానాస్పద స్థితి లో కన్నుమూయడం అభిమానులను కలచి వేస్తుంది.ఇంతకీ ఈ ఘటన భారత్ లో చోటుచేసుకోలేదండి.
దక్షిణ కొరియా లో ఈ సంఘటన చోటుచేసుకుంది.ఇటీవల కొరియన్ పాప్ స్టార్ గు హర మృతి చెందిన సంగతి తెలిసిందే.
అయితే ఇంకా ఆ ఘటన మరువక ముందే ఇప్పుడు తాజాగా మరో కొరియన్ నటుడు మృతి చెందడం అందరిని కలచివేస్తుంది.ఇటీవల కాలంలో సౌత్ కొరియా లో వరుసగా కొందరు నటులు,పాప్ స్టార్స్ చనిపోతున్నారు.
అయితే ఒత్తిడి వల్ల వారు ఆత్మహత్యలు చేసుకుంటున్నారా మరేదైనా కారణాలు ఉన్నాయో తెలియదు కానీ మొత్తానికి వరుసగా నటులు మృతి చెందుతూ వస్తున్నారు.తాజాగా సౌత్ కొరియా నటుడు 27 ఏళ్ల ఛా ఇన్ హా అనే నటుడు కూడా అనుమానాస్పద రీతిలో కన్నుమూసినట్లు తెలుస్తుంది.
అయితే ఆయన ఆత్మహత్య చేసుకున్నాడా లేదంటే ఎవరైనా హత్య చేసారా అనే కోణంలో పోలీసులు ఆరా తీస్తున్నారు.
కొరియాలో ‘ది బ్యాంకర్’, ‘లవ్ విత్ ఫ్లాస్’ లాంటి డ్రామా షోలలో నటించాడు ఛా ఇన్ హా.అయితే నిండా 30 ఏళ్లు కూడా లేని ఈ నటుడు మృతి చెందడం తో ఇప్పుడు కొరియన్ సినిమా ఇండస్ట్రీ విషాదం లో మునిగింది.గత ఏడాది కాలంలో అరడజన్ మంది పైగా ఇలా మృత్యువాత పడ్డారు.
అయితే ఆర్టిస్టుల మానసిక పరిస్థితి కారణంగా ఇలా వరుసగా నటులు మృత్యువు ఒడిలో చేరుకుంటున్నారా లేదంటే ఈ మరణాల వెనుక మరేదైనా కారణం ఉందొ తెలియదు కానీ ఈ వరుస మరణాలతో అక్కడి సినిమా ఇండస్ట్రీ తో అభిమానులు కూడా చాలా ఆందోళన చెందుతున్నారు.
తెలుగు వార్త విశేషాలు సులభముగా తెలుసుకోండి!!!!
తాజా వార్తలు
