వచ్చే సార్వత్రిక ఎన్నికలను ఆంధ్రప్రదేశ్‌లోని అన్ని రాజకీయ పార్టీలు ప్రతిష్టాత్మకంగా తీసుకుని వాటిపై కసరత్తు ప్రారంభించాయి.వైసీపీ తీసుకుంటున్న తప్పుడు నిర్ణయాలే తమకు ఉపకరిస్తాయని, వాటిని ఆయుధాలుగా చేసుకొని అధికార పక్షాన్ని ఎదుర్కోవాలని ప్రతిపక్షాలు భావిస్తున్నాయి.
అంతా సవ్యంగా జరిగితే ప్రతిపక్షాలన్నీ ఒకే తాటిపైకి వచ్చే అవకాశం కూడా లేకపోలేదు.
మ‌రోవైపు అధికార వైసీపీ మాత్రం వారు అమలు చేసిన సంక్షేమ ప‌థ‌కాలే తమకు శ్రీరామ రక్ష అన్న ధోరణిలో ఉన్నారు.
అవకాశం ఉన్న ప్రతి సందర్భంలోనూ ముఖ్యమంత్రి సహా అధికార పార్టీ సభ్యులు వారి సంక్షేమ పథకాల గురించి మాట్లాడుతున్నారు.వాటి అమలు కోసం రాష్ట్ర ఖజానా ఖాళీ అయినా వైసీపీ మాత్రం ఏ రోజూ ప్రజలకు ఆ పథకాలను నిలిపివేయలేదు.
ఇక విషయానికి వస్ట్ 2019 ఎన్నికల్లో పార్టీకి సహకరించిన రాజకీయ ప్రణాళికా సంఘం ఇండియన్ పొలిటికల్ యాక్షన్ కమిటీ (ఐ-ప్యాక్)తో వైసీపీ మళ్లీ పని చేస్తోంది.ఈ నేపథ్యంలో వచ్చే ఎన్నికల్లో 25 మంది ఎంపీల్లో ఐదుగురు మాత్రమే గెలవగలరని స్థానిక ఐ-ప్యాక్ సర్వేలో తేలిందని, దీంతో శాసనసభ్యులు వణికిపోతున్నారని టీడీపీ అనుకూల దినపత్రిక ఓ వార్తను ప్రచురించింది.ఇది రాష్ట్ర రాజకీయాల్లో ఎక్కడలేని ప్రకంపనలు సృష్టించింది.
అయితే ఇక్కడే ఐ-పాక్ పెద్ద ట్విస్ట్ తీసుకొచ్చింది.ఇలా టిడిపి వారు ఆరోపించిన సర్వేలో వాస్తవం లేదని, పాఠకులను తప్పుదోవ పట్టించడానికి ఇలాంటి నకిలీ సర్వేలను ఉపయోగించడాన్ని తాము ఖండిస్తున్నామని చెప్పారు.అసలు ఈ ఫేక్ సర్వేను ఆంధ్రజ్యోతి దినపత్రికలో ప్రచురించడం గమనార్హం.
ఆంధ్రజ్యోతి తన వార్తలో పేర్కొన్న సర్వే క్లిప్పింగ్‌ను షేర్ చేస్తూ.తాము ఎలాంటి అంతర్గత సర్వే చేయలేదని ఐ-పీఏసీ పేర్కొంది.
ట్విట్టర్‌లో అడ్వకేసీ గ్రూప్ దీనిని ఖండించింది.“#AndhraJyothy @abntelugutvలో ప్రచురితమైన వార్త పూర్తిగా అవాస్తవం.
ప్రజలను తప్పుదోవ పట్టించేందుకు ఫేక్ సర్వేలను ఉపయోగించడాన్ని మేము తీవ్రంగా ఖండిస్తున్నాము.ఇటువంటి చీప్ ట్రిక్స్ వారి అపనమ్మకాన్ని మాత్రమే చూపుతాయి” అని I-PAC ట్వీట్‌లో పేర్కొంది.
