ప్రతి మనిషిలోనూ ఏదో ఒక ప్రతిభ దాగి ఉంటుంది.దానిని సమయానుకూలంగా వాడితే ఆ టాలెంట్ అనేది ప్రపంచానికి తెలుస్తుంది.
పేరెంట్స్ వాళ్ళ పిల్లలని చిన్న వయసులోనే సరైన కేర్ తీసుకుని వాళ్ళకి ఏమంటే ఎక్కువ ఆసక్తి ఉందో ఆ రంగంలో కేర్ తీసుకుని వాళ్ళకి ట్రైనింగ్ ఇచ్చినట్లయితే వాళ్ళు ఎన్నో అద్భుతాలు దృష్తస్తారు.టాలెంట్ కి వయసుతో పనిలేదని నిరూపించే సంఘటనలను మనం ఎన్నో చూసే ఉంటాము.
మరి తాజాగా ఇప్పుడు ఒక చిన్నారి కూడా తన ప్రతిభను అందరికి తెలియచేసింది.పెద్దవాళ్లకి సైతం ఈ ఖగోళశాస్త్రం, అంతరిక్షంకు సంబందించిన విషయాలు తెలియవు.
ఇంకా చిన్న పిల్లలకు ఎలా తెలుస్తాయని అనుకుంటారు.కానీ.
ఈ చిన్నారికి మాత్రం ఖగోళశాస్త్రం అంటే చాలా ఇష్టం అంట.అంతరిక్షంలో ఉన్న గ్రహాలు, శకలాలు, స్టార్స్.ఇలా ఒకటి ఏంటి అన్నిటి గురించి ఎవరు ఏమి అడిగినా టక్కున సమాధానం చెబుతుంది.
ఈ పాపకి ఇప్పుడు ఏడు సంవత్సరాలు.
ఇంత చిన్న వయసులోనే 7 గ్రహశకలాలను గుర్తించి అంతరిక్ష శాస్త్రవేత్తగా మారిపోయింది.ఆ పాప పేరు నికోల్ ఒలివిరా.
దక్షిణ అమెరికాలోని బ్రెజిల్ లో ఉంటుంది.అయితే ఈ పాప అమెరికా అంతరిక్ష పరిశోధనా సంస్థ అయిన నాసా నిర్వహించిన పోటీలో 7 గ్రహశకలాల్ని కనిపెట్టేసింది.
ఈ పోటీలో భాగంగా ఇంటర్నేషనల్ ఆస్ట్రనామికల్ సెర్చ్ కొల్లాబరేషన్ లో భాగంగా నాసా సంస్థ ఆస్టరాయిడ్ హంట్ అనే కార్యక్రమం మొదలు పెట్టింది.అయితే ఈ సైన్స్ ప్రోగ్రాంలో ఎవరైనా పార్టిసిపేట్ చేయవచ్చు.
ఈ కార్యక్రమంలో చిన్నారి ఒలివిరా కూడా పాల్గొని 7 గ్రహశకలాల్ని గుర్తించి నాసా నుంచి సర్టిఫికెట్ పొందడంతో పాటు అతిచిన్న వయసులోనే అంతరిక్ష పరిశోధకురాలిగా ఒలివిరా రికార్డు సాధించింది.
ఈ చిన్నారి చిన్నప్పుడే ఆకాశంలో కనిపించే నక్షత్రాలను చూపించి అది కావాలని మమ్మల్ని అడిగిందని తల్లిదండ్రులు చెబుతున్నారు.అలా చిన్నపటి నుంచి మా అమ్మాయి అంతరిక్షం, ఖగోళశాస్త్రం పై ఇష్టం పెంచుకుందని తల్లితండ్రులు చెబుతున్నారు.అంతేకాకుండా ఈ చిన్నారితో బ్రెజిల్ ప్రభుత్వ సైన్స్ అండ్ టెక్నాలజీ శాఖ ఆమెతో ఇంటర్నేషనల్ ఆస్ట్రానమీ అండ్ ఏరోనాటిక్స్ సెమినార్‌ లో మొట్టమొదటి లెక్చర్ కూడా ఇప్పించారు.
అలాగే ఈ చిన్నారికి ఒక యూట్యూబ్ ఛానెల్ కూడా ఉందట.అందులో అంతరిక్షంపై అవగాహన వీడియోలు షేర్ చేస్తు ఉంటుందట.ఏది ఏమైనా చిన్న వయసులో ఈ పాప సాధించిన విజయాన్ని చూసి అందరు మెచ్చుకుంటున్నారు.
