ప్రపంచంలో కొన్ని కొన్ని అద్బుతాలు అప్పుడప్పుడు అందరిని ఆశ్చర్యానికి గురి చేస్తాయి.ప్రకృతిలో అలాంటి వింతలు చూసినపుడు కలికాలం వచ్చేసింది అనో, బ్రహ్మంగారు చెప్పింది నిజం అయ్యింది అనో మాట్లాడుకుంటూ ఉంటారు.
ఇప్పుడు అలాంటి ఓ వింత ఘటన జపాన్ లో చోటు చేసుకుంది.జపాన్లో 2018 అక్టోబర్ 258 గ్రాముల బరువుతో బిడ్డ పుట్టాడు.
ఇది సుమారు ఓ యాపిల్ పండు బరువుకి సమానం.టోషిక అనే గర్భిణి అధిక రక్తపోటుతో బాదపడుతుండడంతో ఆమెకి 24 వారాల 5 రోజులకే అత్యవసరంగా సిజేరియన్ శస్త్రచికిత్స ద్వారా బిడ్డని బయటకి తీసారు.
ఆ సమయంలో 22 సెంటిమీటర్ల పొడవుతో బాబు పుట్టాడు.దీంతో శిశువుని నియోనేటల్ ఇంటెన్సివ్ కేర్ యూనిట్లో ఉంచి సంరక్షించి 7 నెలల తర్వాత బయటికి తీసుకొచ్చారు.తక్కువ బరువుతో పుట్టిన బాబుకి తల్లిదండ్రులు సెకియా అని పేరు పెట్టారు.7 నెలల చికిత్స అనంతరం 13 రెట్లు పెరిగిన బాబు ప్రస్తుతం 3 కిలోల బరువుకి వచ్చి ఆరోగ్యంగా ఉన్నాడు.ఇప్పుడు ఈ బాబు ప్రపంచంలోనే అతి తక్కువ బరువు ఉన్న వ్యక్తిగా రికార్డ్ సృష్టించాడు.