దక్షిణాఫ్రికాలో జరుగుతున్న ఐసీసీ అండర్-19 మహిళల టీ20 ప్రపంచకప్ సెమీఫైనల్ ఈరోజు(జ‌న‌వ‌రి 27) జరగనుంది.న్యూజిలాండ్‌తో టీమ్ ఇండియా పోటీపడనుంది.

ఈ మ్యాచ్ పోచెస్ట్‌రూమ్‌లో మధ్యాహ్నం 1:30 గంటలకు ప్రారంభంకానుంది.కాగా రెండో సెమీఫైనల్ మ్యాచ్ ఈ మైదానంలో ఆస్ట్రేలియా, ఇంగ్లండ్ జట్ల మధ్య జరగనుంది.

రెండో సెమీఫైనల్ కూడా ఈరోజు సాయంత్రం 5:15 గంటలకు జరగనుంది.కాగా అండర్-19 మహిళల ప్రపంచకప్ ఫైనల్ మ్యాచ్ జనవరి 29న ఈ మైదానంలోనే జరగనుంది.

భారత్-న్యూజిలాండ్ మధ్య తొలి సెమీఫైనల్

అండర్-19 మహిళల టీ20 ప్రపంచకప్ తొలి సెమీఫైనల్ మ్యాచ్ జ‌న‌వ‌రి 27 మధ్యాహ్నం 1:30 గంటలకు ప్రారంభం కానుంది.ఈ మ్యాచ్‌లో న్యూజిలాండ్‌తో టీమిండియా పోటీపడనుంది.

గణాంకాల ప్రకారం టీమిండియాదే పైచేయి.టీమ్ ఇండియాకు విజ‌య‌శాతం ఎక్కువ.

క్రీడాకారుల్లో ఉత్సాహం నెలకొంది.ఈ మ్యాచ్‌లో గెలిచి ఫైనల్స్‌కు వెళ్లేందుకు భారత మహిళా క్రీడాకారులు తమ శాయశక్తులా ప్రయత్నిస్తున్నారు.ఫైనల్‌ మ్యాచ్‌ కూడా ఇదే మైదానంలోనే జరుగుతుందని గ‌మ‌నించ‌వ‌చ్చు.

న్యూజిలాండ్‌పై భారత్ అద్భుతమైన రికార్డు

న్యూజిలాండ్‌పై టీమ్ ఇండియా ప్రతి మ్యాచ్‌లోనూ గెలుస్తూ వ‌చ్చింది.గణాంకాలను పరిశీలిస్తే.ఇప్పటి వరకు టీ20 మ్యాచ్‌ల్లో న్యూజిలాండ్‌తో టీమిండియా ఓడిపోలేదు.

డిసెంబర్ 2022లో భారత జట్టు న్యూజిలాండ్‌తో 5 మ్యాచ్‌ల టీ20 సిరీస్‌ని ఆడింది.ఇందులో భారత్ క్లీన్ స్వీప్ చేసింది.

ఇక ఓవరాల్ మ్యాచ్‌ల గురించి మాట్లాడుకుంటే రెండు జట్ల మధ్య కేవలం 5 మ్యాచ్‌లు మాత్రమే జరగ్గా, అన్ని మ్యాచ్‌ల్లోనూ టీమ్ ఇండియా విజయం సాధించింది.భారత్‌పై న్యూజిలాండ్ జట్టు రికార్డు బాగోలేకపోయినా, ఈ ప్రపంచకప్‌లో న్యూజిలాండ్ జట్టు ఇప్పటి వరకు ఏ మ్యాచ్‌లోనూ ఓడిపోలేదు.

అన్ని మ్యాచ్‌ల్లోనూ విజయం సాధించింది.ఒక మ్యాచ్‌లో భారత మహిళలు ఓటమి చవిచూశారు.భారత మహిళలను ఆస్ట్రేలియా ఓడించింది.

ప్రపంచకప్‌లో భారత్‌ ప్రయాణం

అండర్-19 మహిళల ప్రపంచకప్‌లో ఇప్పటివరకు టీమిండియా ప్రయాణం అద్భుతంగా ఉంది.పుల్-డిలో టీమ్ ఇండియా అగ్రస్థానంలో ఉంది.తొలి మ్యాచ్‌లో దక్షిణాఫ్రికా జట్టుపై టీమిండియా 7 వికెట్ల తేడాతో విజయం సాధించింది. దక్షిణాఫ్రికా నిర్దేశించిన 167 పరుగుల లక్ష్యాన్ని భారత మహిళలు కేవలం 16.3 ఓవర్లలోనే ఛేదించారు.యూఏఈపై భారత్ 122 పరుగుల భారీ తేడాతో విజయం సాధించింది.కాగా స్కాట్లాండ్ జట్టు కూడా 83 పరుగుల తేడాతో ఓడిపోయింది.

మ్యాచ్ ఎక్కడ చూడవచ్చు?స్టార్ స్పోర్ట్స్ నెట్‌వర్క్‌లో అండర్-19 ప్రపంచ కప్ ప్రత్యక్ష ప్రసారాన్ని చూడవచ్చు.ఇదేకాకుండా ప్రపంచ కప్ మ్యాచ్‌ల ప్రత్యక్ష ప్రసారం కూడా ఉంటుంది.

మీరు డిస్నీ + హాట్‌స్టార్‌ యాప్‌లో సెమీ-ఫైనల్ మ్యాచ్ ప్రత్యక్ష ప్రసారాన్ని చూడవచ్చు.