మెగా పవర్ స్టార్ పవన్ కళ్యాణ్ కొంతకాలంగా అటు రాజకీయాలు చూసుకుంటూనే ఇటు సినిమాలు కూడా చేస్తున్నాడు.ఇంకా ఎన్నికలకు చాలా సమయం ఉండడం వల్ల ఈ లోపు ఎన్ని సినిమాలు వీలైతే అన్ని చేయాలనీ పవన్ కళ్యాణ్ భావిస్తున్నాడు.
ప్రస్తుతం ఈ హీరో చెయ్యని విధంగా ఒకే సారి రెండుమూడు సినిమాలు చేస్తూ బిజీగా ఉన్నాడు.
ప్రస్తుతం వకీల్ సాబ్ చిత్రం పూర్తి చేసి విడుదలకు సిద్ధంగా ఉంచాడు.
ఈ సినిమాను హిందీలో అమితాబ్ బచ్చన్ చేసిన పింక్ సినిమాకు రీమేక్ గా తెరకెక్కిస్తున్నారు.వకీల్ సాబ్ సినిమాలో పవన్ కళ్యాణ్ లాయర్ గా నటిస్తున్నాడు. వేణు శ్రీరామ్ దర్శకత్వం లో ఈ సినిమా తెరకెక్కుతుంది.ఇందులో శృతి హాసన్ హీరోయిన్ గా నటిస్తుండగా అంజలి, నివేతా థామస్, అనన్య కీలకమైన రోల్స్ చేస్తున్నారు.
దిల్ రాజు, బోణీ కపూర్ ఈ సినిమాను సంయుక్తంగా నిర్మిస్తున్నారు.ఇప్పటికే ఈ సినిమా నుండి వచ్చిన పాటలు, టీజర్ అందరిని ఆకట్టుకున్నాయి.ఈ సినిమా పై ప్రేక్షకులు భారీ అంచనాలు పెట్టుకున్నారు.అయితే ఈ రోజు మార్చి 8 న మహిళా దినోత్సవ సందర్భంగా వకీల్ సాబ్ చిత్ర యూనిట్ ప్రేక్షకులకు సర్ప్రైజ్ ఇచ్చారు.
ఈ రోజు వకీల్ సాబ్ నుండి ఒక పోస్టర్ విడుదల చేసింది చిత్ర యూనిట్.ఈ పోస్టర్ లో పవన్ కళ్యాణ్ తో పాటు అంజలి, నివేతా థామస్, అనన్య కలిసి ఉన్న ఫోటోను విడుదల చేసారు.
ఈ ముగ్గురు హీరోయిన్స్ వ్యభిచార గృహంలో చిక్కుకుంటే పవన్ కళ్యాణ్ వారిని కాపాడడం కోసం చేసే పోరాటమే ఈ సినిమా కథ.ఈ సినిమాలో ఈ ముగ్గురు హీరోయిన్స్ సినిమా కే కీలకంగా మారనున్నారు.