ఈ మధ్య కాలంలో సోషల్ మీడియాలో జంతువులకు సంబంధించి అనేక రకాల వీడియోలు, ఫోటోలు వైరల్ అవుతున్న మనం చూస్తూనే ఉన్నాం.అయితే ఇలాంటి వీడియో నే ఒకటి తాజాగా వైరల్ గా మారింది.
భారీ పైథాన్‌ ఓ మహిళ కాళ్లను చుట్టేసిన వీడియో అది.ఆస్ట్రేలియా దేశంలో ఓ మహిళలకు పది అడుగుల పైథాన్‌ చుట్టుకోవడంతో దానిని విడిపించేందుకు పోలీస్ అధికారి పడిన తిప్పల గురించి ఉన్న ఈ వీడియో క్వీన్స్ ల్యాండ్ పోలీసులు తాజాగా సోషల్ మీడియాలో పోస్ట్ చేశారు.
ఇక ఆ వీడియోను చూస్తే రాత్రిపూట నడుచుకుంటూ వెళ్తున్న ఓ మహిళకు పది అడుగుల పైథాన్‌ ఆమె కాళ్ళకు చుట్టేసుకుంది.ఆ మహిళ కుడి కాలుకు చుట్టుకున్న పైథాన్‌ ను వదిలించుకోవాల్సిన చిన్న ప్రయత్నం చేయకుండా ఆమె ఆ పైథాన్‌ తల నిమురుతూ ఉంది.
అయితే ఆ తర్వాత ఎంతసేపటికి ఆ పైథాన్‌ అలాగే చుట్టుకోవడంతో దానిని కదిలించేందుకు విశ్వప్రయత్నం చేస్తోంది.ఆ సమయంలో అటుగా వెళ్తున్న ఓ పోలీస్ అధికారి సహాయాన్ని కోరగా సదరు మహిళకు ఆ అధికారి వచ్చి సహాయం చేశాడు.
సదరు పోలీస్ ఆ మహిళకు పైథాన్‌ ను వదిలి చేందుకు సహాయం చేయడంతో పైథాన్‌ ఆమెను వదిలి వెళ్ళిపోయింది.ఆ సంఘటన తర్వాత అక్కడ మీడియాతో ఆ పోలీస్ అధికారి మాట్లాడుతూ.
ఎవరైనా పైథాన్‌ ను చూడగానే భయాందోళనలకు గురి అవుతారని అదే కాళ్లకు చూటేసుకుంటే సగం ప్రాణం అక్కడే పోతుంది.కాకపోతే, ఆ మహిళ మాత్రం అలా చేయకుండా ఆ పామును తన పెంపుడు జంతువుగా చూసింది అంటూ ఆశ్చర్యపోయాడు.
ప్రమాద పరిస్థితులలో కూడా ఆమె భయపడకుండా ధైర్యంగా వ్యవహరించిన సదరు మహిళ తీరుకు నెటిజన్స్ ఆశ్చర్యపోతున్నారు.ఆమె పై నెటిజన్స్ ప్రశంసలు జల్లు కురిపిస్తున్నారు.
