కొందరి పుట్టుకలు చాలా వింతగా ఉంటాయి.ముఖ్యంగా నిండు గర్భిణీలు డెలివరీ సమయంలో ప్రయాణాలు చేసేటప్పుడు సడన్ గా హాస్పిటల్ కు చేరకముందే దారి మధ్యలోనే పురుడు పోసుకోవడంతో, ఇలా చాలా మంది పిల్లలు జన్మించారు.
అయితే ఈ బుడ్డోడు మాత్రం కాస్త వెరైటీ.అందరూ భూమి మీద ఏదో ఒక ప్రదేశం లో జన్మించి ఉంటారు.
కానీ, ఈ బుడ్డోడు మాత్రం భూమి నుండి 18 వేల అడుగులు పైన గాలిలో తన తల్లి గర్భంలో నుండి బయటికి వచ్చాడు.ఈ సంఘటనకు సంబంధించి పూర్తి వివరాలు చూస్తే…
అమెరికాలోని అలస్కా రాష్ట్రంలో అరుదైన సంఘటన చోటు చేసుకుంది.
ఓ నిండు గర్భిణిని విమానంలో ఆస్పత్రికి వెళుతుండగా ఈ సంఘటన చోటు చేసుకుంది.ఆ మహిళకు 35 వారాలు గర్భిణీ కావడంతో తాను ఆసుపత్రిలో చేరేందుకు విమానంలో ప్రయాణించడానికి సిద్ధపడింది.
అయితే అనుకోకుండా విమానం గాలిలో ఉన్నప్పుడే ఆ మహిళ ఓ మగబిడ్డకు జన్మను ఇచ్చింది.అలా ఆ బుడ్డోడు తన తల్లి కడుపు నుంచి బయటికి వచ్చిన సమయంలో విమానం భూమి నుండి ఏకంగా 18 వేల అడుగుల పైన ప్రయాణం చేస్తోంది.
ఇకపోతే ఆ బిడ్డకు స్కై అనే పేరు పెట్టారు.
విమానం బయలుదేరే అంతవరకు బాగానే ఉన్నా ఆమె ఆరోగ్యం, విమానం బయలుదేరిన కొద్దిసేపటికే తనకు పురిటినొప్పులు మొదలవగా… కాస్త కష్టంగానే పండంటి మగబిడ్డకు జన్మనిచ్చింది.ఇక ఆ తరువాత విమానం ల్యాండ్ జరిగాక ఆమెను, పుట్టిన బిడ్డను సురక్షితంగా ఆస్పత్రికి తరలించారు విమాన సిబ్బంది.డాక్టర్లు ఇచ్చిన ప్రసవ తేదీ కంటే ముందుగానే జన్మించిన బాలుడిని ఇంకుబేటర్ లో ఉంచి చికిత్స అందిస్తున్నారు.
ప్రస్తుతం తల్లి బిడ్డ ఇద్దరు క్షేమంగానే ఉన్నారని, వారిని పది రోజుల్లో ఆసుపత్రి నుండి డిశ్చార్జ్ చేస్తామని వైద్యులు తెలిపారు.