కొత్త కారు అని చెప్పి సెకండ్ హ్యాండ్ కారును అంటగట్టిన షోరూం సిబ్బంది..

దీంతో ఆమెకు ఆ షోరూం వారు ఎంజీ జేఎస్ ఈవీ ఎక్స్ క్లూజివ్ ఎలక్ట్రిక్ వాహనాన్ని చూపించారు.ఆ కారు 24.50 లక్షలకు కొనుక్కునేందుకు ఆమె అంగీకరించి 50 వేల రూపాయలు అడ్వాన్సు కింద ఇచ్చింది.ప్రోసెస్ అంత అయిపోయిందని చెప్పి జనవరి 5న షోరూం నిర్వాహకులు ఆమెకు కారును అందించారు.

కారు కొన్నప్పుడే టెంపరరీ రిజిస్ట్రేషన్, ఇన్సూరెన్స్ పత్రాలను షోరూం వారు అందించాల్సి ఉండగా వారు ఆ సమయంలో అందించలేదు.

అయితే ఆ విషయంపై ఆమె ఎప్పుడు మాట్లాడిన తొందర్లోనే పంపిస్తాం.ప్రోసెసింగ్ లో ఉంది అని చెప్పేవారు.ఆమె కూడా కారు వచ్చిందిగా అని ఆ విషయం గురించి పెద్దగా పట్టించుకోలేదు.

అయితే ఈ సమయంలోనే ఆమె కారు వెయ్యి కిలోమీటర్లు పూర్తి అయ్యిందని సర్వీసింగ్ కోసమని ఇచ్చింది.

కాగా సర్వీసింగ్ అయిపోయిన తర్వాత ఆ బిల్లు చూసి ఆమె అవాక్కయింది.ఆ బిల్లులో తన పేరుకు బదులు వేరే వ్యక్తి పేరు ఉండడం చూసి ఏమయిందో అర్ధం కాలేదు.

సర్వీసింగ్ నేను ఇస్తే వేరే వ్యక్తి పేరు ఉందేంటని నిలదీయడంతో సిబ్బంది అసలు విషయం చెప్పారు.ఈ కారు వేరే వ్యక్తి పేరుతో రిజిస్టర్ అయిందని చెప్పడంతో ఆమె ఆశ్చర్యపోయింది.

దీంతో ఆమెకు మోసపోయానని అర్ధం అయ్యింది.వేరొకరి కారు తనకు ఇచ్చారని.

అందుకే రిజిస్ట్రేషన్ పేపర్స్ విషయంలో ఆలస్యం చేస్తున్నారని తెలిసి బంజారాహిల్స్ పోలీస్ స్టేషన్ లో ఫిర్యాదు చేసింది.పోలీసులు కేసు నమోదు చేసుకుని దర్యాప్తు ప్రారంభించారు.