మందులను నిల్వ చేయడానికి ఉపయోగించే మందుల సీసాల రంగు సాధారణంగా ఆరెంజ్ లేదా గోధుమ రంగులో ఉంటుంది.ఇలా ఎందుకు ఉంటుందని మీరు ఎప్పుడైనా ఆలోచించారా? ఔషధాలను నీలం లేదా ఆకుపచ్చ సీసాలో కూడా ఉంచవచ్చు కదా? మరి అలాంటి రంగు సీసాలు ఎందుకు ఉపయోగించరు? ఈ ప్రశ్నలకు ఇప్పుడు సమాధానం తెలుసుకుందాం.సైన్స్ కోణం నుండి చూస్తే ఆరెంజ్, గోధుమ రంగులు ఔషధాల సీసాలకు సరైన రంగులు.ఇలా ఎందుకు నిర్థారించారో తెలుసుకుందాం… ఔషధాన్ని గుర్తించడానికే గోధుమ లేదా ఆరెంజ్ రంగు బాటిళ్లలో దానిని ఉంచుతారని చాలామంది అనుకుంటారు.
అయితే అది అస్సలు నిజం కాదు.ఔషధం సీసా రంగు ఎంపిక వెనుక కూడా సైన్స్ ఉంది.
ఇది ఔషధాల భద్రతకు సంబంధించినది.ఔషధం బాటిళ్లకు ఆరెంజ్, గోధుమ రంగుకు ఉన్న కనెక్షన్ ఏమిటో ఇప్పుడు తెలుసుకుందాం.
సైన్స్ ప్రకారం ఆరెంజ్, గోధుమ రంగులు రెండూ సూర్యుని అతినీలలోహిత కిరణాలను నిరోధించే అత్యంత సామర్థ్యాన్ని కలిగి ఉంటాయి.అందువల్ల, సూర్యకాంతి కిరణాలు ఈ రంగుల సీసాలపై పడినప్పుడు, అవి దాని ప్రభావాన్ని నిలిపివేస్తాయి.
సీసాకున్న రంగు కారణంగా, సూర్యకాంతిలోని అతినీలలోహిత కిరణాల ప్రభావం దీనిపై పడదు.బాటిళ్లలోని మందులు ఏవిధంగాను చర్యకు గురికావు.
ఫలితంగా మందులు చెడు ప్రభావానికి లోనుకావు.ఔషధాన్ని చల్లని ప్రదేశంలో ఉంచాలని, బలమైన సూర్య కిరణాల నుండి రక్షించాలని మందుల సీసాపై రాస్తారు.
అదే నియమం బీర్ బాటిళ్లకు కూడా వర్తిస్తుంది. బీర్ సీసాలు చాలా వరకు గోధుమ రంగులో ఉంటాయి, ఎందుకంటే వాటిలో ఉండే ద్రవం సూర్యుని బలమైన కిరణాలతో ప్రతిస్పందిస్తుంది.
అందుకే వాటిని గోధుమ రంగు సీసాల్లో ఉంచుతారు.
