సాధారణంగా ఒక ఊరిలో జనాభా గురించి తెలుసుకోవలసి వచ్చినప్పుడు ఆ ఊరిలో ఎన్ని గడపలు వున్నాయనే ప్రస్తావన రావడం మనం తరచుగా చూస్తూనే వుంటాం.అంటే గడపలేని ఇల్లు ఉండదని మనకి ఈ విషయం తెలియజేస్తుంది.
మన పూర్వీకులు భూమికి … ఆకాశానికి మధ్య హద్దుగా గడపను భావించారు.భూమికి … ఆకాశానికి మధ్య అన్నట్టుగా గడపపై కూర్చుని హిరణ్య కశిపుడిని నరసింహస్వామి సంహరించిన విషయం కూడా మనకు తెలిసిందే.
గడప శ్రీ మహాలక్ష్మీ స్థానం … అందుకనే గడపకు పసుపు రాసి కుంకుమ బొట్లు పెడుతూ ఉండటం మనకు అనాదిగా ఆచారంగా వస్తోంది.
ఇక ఈ పని చేయకుండా ఏ ఇంట్లో ఏ శుభకార్యం గానీ, పూజా కార్యక్రమంగాని జరగదు.
గడపను అమ్మవారి స్థానంగ భావిస్తోన్న కారణంగానే గడపను తొక్కడాన్ని .డపపై నిలబడి తుమ్మడాన్ని తప్పుగా భావిస్తుంటారు.గడపకి పసుపు రాయడం వెనుక గల కారణాల్లో ఒకటి పవిత్రత అయితే … రెండవది ప్రాణరక్షణ అని చెప్ప వచ్చు.<సాధారణంగా పల్లెటూళ్లు పంటపొలాల మధ్యలోనో .అడవులకు సమీపంలోనో ఉంటూ వుంటాయి.ఈ కారణంగా ఇళ్లలోకి పాములు … తేళ్లు వంటి విష జంతువులు వస్తూ వుంటాయి.
ఇవి పసుపు ఘాటును భరించలేవు కనుక ఆ దరిదాపుల్లోకి రాలేవు.అందువల్లనే గడపలకి పసుపు రాయడం ఆనవాయతీగా వచ్చిందని అంటుంటారు.
