చాలా మంది ఉద్యోగాలు లేక అనేక ఇబ్బందులు పడుతున్నారు.మరికొందరు అయితే చాలీచాలని జీతంతో ఉద్యోగాలు చేస్తున్నారు.
అయితే ఇటువంటి సమయంలో ఓ ఉద్యోగ ప్రకటన అందర్నీ ఆశ్చర్యానికి గురి చేసింది.నెట్టింట ప్రతి రోజూ అనేక విషయాలు తెలుస్తూ ఉంటాయి.
తాజాగా ఈ ప్రకటన సోషల్ మీడియాలో సందడి చేస్తోంది.ఇంతకీ అదేంటంటారా? ఎలుకలు పట్టే ఉద్యోగం.వినడానికి మీకు ఆశ్చర్యంగానే ఉంది కదూ.అవునండి.ఎలుకలు పట్టడానికి కూడా జాబ్స్ ఇస్తున్నారు.ఈ ఉద్యోగానికి శాలరీ తక్కవేం కాదండోయ్.సాఫ్ట్ వేర్ ఉద్యోగులు కూడా అంత సంపాదించలేరు.ఏకంగా రూ.1.38 కోట్లు జీతం.అందుకే ఈ జాబ్ ప్రకటన అందర్నీ ఆకర్షిస్తోంది.
ఈ ఎలుకలు పట్టే ఉద్యోగ ప్రకటన ఇచ్చింది సాధారణ సంస్థో లేక బాగా డబ్బులున్న ఇంటి సభ్యులో కారు.
సాక్షాత్తూ అమెరికాలోని న్యూయార్క్ మేయర్ ఈ ప్రకటన చేశాడు.యుఎస్ న్యూయార్క్ మేయర్ అయిన ఎరిక్ ఆడమ్స్ ఎలుకలు పట్టుకునే జాబ్ ప్రకటన చేయడంతో ప్రపంచమంతా దీని గురించి చర్చ నడుస్తోంది.
ఈ మధ్యకాలంలో న్యూయార్క్ నగరం అంతా ఎలుకల గోల ఎక్కువయ్యింది.దీంతో చాలా మంది ప్రజలు ఫిర్యాదులు చేస్తున్నారు.అందుకే ప్రజల కోసం మేయర్ ఈ కొత్త ఉద్యోగాన్ని సృష్టించాడు.ఎలుకలు పట్టే ఉద్యోగులకు వార్షిక వేతనం రూ.1.38 కోట్లు ఉంటుందని ప్రకటించడంతో ఈ ఉద్యోగానికి చాలా మంది పోటీ పడే అవకాశం ఉంది.న్యూయార్క్ లో ఎలుకలపై పోరాడగలరా? ఎలుకలను పట్టే నైపుణ్యం మీలో ఉంటే వెంటనే ఈ జాబ్ కు అప్లై చేయండి అంటూ ప్రకటన విడుదల చేశారు.ప్రస్తుతం ఈ ప్రకటన గురించి తెలుసుకున్న కొందరు నవ్వుకుంటుంటే మరికొందరు మాత్రం మంచి జాబ్ అంటూ కామెంట్లు చేస్తున్నారు.
