లండన్ బాబులు సినిమాతో టాలీవుడ్ లో హీరోగా ఎంట్రీ ఇచ్చి పలాస 1978తో హీరోగా, నటుడుగా మంచి గుర్తింపు తెచ్చుకున్న రక్షిత్ తన మూడో సినిమాని అనౌన్స్ చేశాడు.ప్రస్తుతం ప్రపంచ వ్యాప్తంగా కరోనా విలయతాండవం చేస్తుంది.
ఈ నేపధ్యంలో చాలా మంది కరోనా వైరస్ ఎలిమెంట్ తో కథలు సిద్ధం చేసుకొని సినిమాలు తెరకెక్కించే పనిలో పడ్డారు.ఇప్పుడు యువ హీరో రక్షిత్ కూడా కరోనా కథాంశంతోనే తన నెక్స్ట్ సినిమా ప్లాన్ చేశాడు.
ఈ సినిమాకి డబ్ల్యు హెచ్‌ ఓ (వరల్డ్‌ హజార్డ్‌ ఆర్డినెన్స్‌) అనే టైటిల్‌ని కన్ఫర్మ్ చేస్తూ ఫస్ట్ లుక్ కూడా రిలీజ్ చేశారు.
కరోనా వైరస్ ని ప్రపంచ వ్యాప్తంగా విస్తరించడం వెనుక చైనా ఎలాంటి కుట్ర చేసిందే ఎలిమెంట్ నేపథ్యంలో ఈ సినిమా రూపొందనుంది.
హ్యాకింగ్‌ బ్యాక్‌ డ్రాప్‌లో సైంటిఫిక్ థ్రిల్లర్‌గా ఈ సినిమా కథనం ఉండబోతుంది అని తెలుస్తుంది.ఇక సినిమా ఫస్ట్ లుక్ ద్వారానే కథాంశం ఎలా ఉండబోతుంది అనే విషయాన్ని దర్శకుడు రివీల్ చేశాడు.
ఈ మూవీని సుధాస్‌ మీడియా సమర్పణలో భారీ బడ్జెట్ తో తెరకేక్కబోతుంది.హాలీవుడ్ షార్ట్‌ ఫిలింతో విమర్శకుల ప్రశంసలతో పాటు అంతర్జాతీయ గుర్తింపు పొందిన దేవ్‌ పిన్నమరాజు ఈ సినిమాతో దర్శకుడిగా పరిచయం కాబోతున్నాడు.
ఈ సినిమా షూటింగ్‌ను అమెరికా, ఇటలీ, సౌత్‌ ఆఫ్రికా, ఇండియా-చైనా బార్డర్‌లో చేసేందుకు ప్లాన్ చేస్తున్నట్లు చిత్రయూనిట్‌ తెలిపింది.అయితే కరోనా ఇంతగా విస్తరిస్తున్న సమయంలో విదేశాలలో ఈ సినిమా షూటింగ్ చేయడం కంటే కాస్తా కష్టమైన పని అని చెప్పాలి.
మరి ఎప్పుడు ఈ సినిమా సెట్స్ పైకి వెళ్తుంది అనేది వేచి చూడాలి.
