ఏ క్షణంలో ఏం జరుగుతుందో ఎవరికి తెలియదు.. వనిత విజయ్ కుమార్ షాకింగ్ పోస్ట్?

సినీ నటి వనిత విజయకుమార్ గురించి అందరికీ పరిచయమే.ఈమె సీనియర్ నటుడు విజయ్ కుమార్, మంజుల ల కూతురు.

ఈమె తెలుగులోనే కాకుండా తమిళ, మలయాళ, కన్నడ భాషలలో కూడా నటించింది.అంతేకాకుండా బిగ్ బాస్ లో కూడా కంటెస్టెంట్ గా పాల్గొన్నది.

ఇక ఈమె సోషల్ మీడియాలో బాగా యాక్టివ్ గా ఉంటుంది.అంతేకాకుండా తరచు వివాదాలలో ఇరుక్కుంటుంది.1995లో తమిళ సినిమా ద్వారా వెండితెరపై అడుగుపెట్టిన వనిత విజయ్ కుమార్ ఆ తర్వాత మలయాళం, కన్నడ, తెలుగు సినిమాలలో అడుగు పెట్టింది.

1999లో దేవి సినిమా తో తెలుగు సినీ పరిశ్రమకు పరిచయం అయ్యింది.

ఆ తర్వాత తెలుగులో మరే సినిమాలో కూడా కనిపించలేదు.ఇక ఈమె తన వ్యక్తిగత విషయాలలో ఎన్నోసార్లు వార్తల్లోకెక్కింది.

ఆమె మూడో పెళ్లి చేసుకున్న తర్వాత మరిన్ని వివాదాలు ఎదుర్కొంది.తాను పీటర్ పాల్ అనే వ్యక్తిని ప్రేమించి క్రిస్టియన్ పద్ధతిలో పెళ్లి చేసుకోగా తన పిల్లల ముందే ముద్దుపెట్టుకుంటూ ఉన్నా ఫోటోలు షేర్ చేయడంతో ఆ ఫోటో వల్ల ఎంతోమంది తనను పలురకాలుగా విమర్శించారు.

ఇక ఆ తర్వాత విడిపోయిందన్న వార్తలు కూడా వినిపించాయి.నిజానికి అతను వనిత విజయ్ కుమార్ ను తన మొదటి భార్యకు విడాకులు ఇవ్వక ముందుకే రెండో పెళ్లి చేసుకున్నాడు.

ఇక ఈ విషయాన్ని తన మొదటి భార్య బయట పెట్టగా వార్తల్లో తెగ హల్ చల్ గా మారింది.ఇక దీంతో వనితకు సోషల్ మీడియాలో రకరకాల కామెంట్స్ ఎదురవడంతో వాళ్ల పై తెగ విరుచుకుపడింది.తమ విషయంలో మధ్యలో ఎవరు రావాల్సిన పని లేదని తన సమస్యను తానే పరిష్కరించుకుంటానని బాగా మండిపడింది.ఆ తర్వాత కొన్ని రోజులకు వనిత తన సోషల్ మీడియా వేదికగా మళ్ళీ ప్రేమలో పడ్డాను అంటూ పోస్ట్ చేయగా ఆ పోస్టులకు నెటిజన్ల నుండి ఊహించని విధంగా కామెంట్స్ ఎదుర్కొంది.

కొంతకాలానికి తాను సింగిల్ అని సోషల్ మీడియా ద్వారా పంచుకుంది.ఇక ఈమె ప్రస్తుతం కాంట్రవర్సీలకు దూరంగా ఉంటూ తను ఏంటో తాను బతుకుతుంది.ఇదంతా పక్కనే పెడితే తాజాగా తను తన తల్లి మంజుల విషయంలో ఎమోషనల్ అయింది.ఈరోజు తన తల్లి మంజుల జయంతి సందర్భంగా తన సోషల్ మీడియాలో తన తల్లి ఫోటో షేర్ చేసుకుంటూ ఒక ఎమోషనల్ పోస్ట్ పంచుకుంది.

ఎన్నో గడ్డు పరిస్థితులు ఎదురయ్యాయి అని.ఒకవేళ తన తల్లి బతికి ఉంటే ఈరోజు 68 ఏళ్లు నిండేవి అని.చాలా తొందరగా ఈ లోకాన్ని వదిలేసి వెళ్ళింది అంటూ.హ్యాపీ బర్త్డే అమ్మ.

నిన్ను ఎప్పటికీ మిస్ అవుతూనే ఉంటాను అని.జీవితంలో ఎప్పుడు ఏం జరుగుతుందో ఊహించడం చాలా కష్టం అని చెప్పుకొచ్చింది.ఆమె షేర్ చేసుకున్న పోస్ట్ ప్రస్తుతం వైరల్ గా మారింది.