అక్కినేని ఫ్యాన్స్ ఎంతో ఆసక్తిగా ఎదురు చూస్తున్న బంగార్రాజు సినిమా చాలా స్పీడ్ గా తెరకెక్కుతోంది.మూడు నాలుగు ఏళ్లుగా అదుగో ఇదుగో అంటూ వచ్చిన బంగార్రాజును మూడు నెలల క్రితం ప్రారంభించి అప్పుడే ముగించేశారు అంటూ వార్తలు వస్తున్నాయి.
ప్యాచ్ వర్క్ మినహా షూటింగ్ దాదాపుగా పూర్తి అయినట్లే అంటున్నారు.ఇక ఈ సినిమా లో నాగార్జునతో పాటు నాగ చైతన్య కూడా నటిస్తున్నాడు.
రమ్యకృష్ణ మరియు కృతి శెట్టిలు కనిపించబోతున్నారు.అందరు అనుకున్నట్లుగానే నాగ చైతన్యకు జోడీగా ముద్దుగుమ్మ కృతిశెట్టి కనిపించబోతుంది.
ఇక రమ్యకృష్ణ ఈ సినిమాలో నాగార్జునకు జోడీగా కనిపించబోతుంది.బంగార్రాజు సినిమా లో నాగార్జున ఎలా ఉండబోతున్నాడు అనేది ఇప్పటికే క్లారిటీ ఇచ్చారు.
మళ్లీ ఇప్పుడు బంగార్రాజు లుక్ ను రివీల్ చేయబోతున్నట్లుగా చెబుతున్నారు.దాంతో ఇంతకు బంగార్రాజు నాగార్జుననా లేదంటే నాగ చైతన్యనా అంటూ అనుమానాలు వ్యక్తం అవుతున్నాయి.
నాగార్జున బంగార్రాజు పక్కా అయితే నాగ చైతన్య పాత్ర ఏంటీ అనేది ఆసక్తిని రేకెత్తిస్తుంది.గత కొన్ని రోజులుగా బయటకు వస్తున్న వార్తలను బట్టి చూస్తుంటే నాగ చైతన్య ఈ సినిమా లో బంగార్రాజు గా కనిపించబోతున్నాడు.
చైతూ పాత్ర పేరు కూడా బంగార్రాజు అయ్యి ఉంటుందా లేదంటే తండ్రి కొడుకులు కూడా ఒకే పాత్రను వేరు వేరు వయసుల వేరియేషన్స్ తో చేస్తున్నారా అనేది కన్ఫ్యూజన్ గా ఉంది.
ఒక వేళ ఒకే పాత్రను ఇద్దరు చేస్తూ ఉంటే ఇద్దరు స్క్రీన్ మీద మనకు కలిసి కనిపించే అవకాశం లేదు.లేదా తాత మనువడిగా కనిపించబోతే మాత్రం అభిమానులకు కన్నుల పండుగ ఖాయం.మొత్తానికి సినిమాలో ఇద్దరు కూడా బంగార్రాజులే అయ్యి ఉంటారని అనిపిస్తుంది.
అసలు విషయం ఏంటీ అంటే రెండు రోజుల్లో విడుదల కాబోతున్న టీజర్ మరియు ఫస్ట్ లుక్ తో క్లారిటీ వచ్చే అవకాశం ఉంది.