800 సంవత్సరాల నాటి అతిపురాతన వాసు దేవాలయం ఎక్కడంటే?

మన భారతదేశం ఎన్నో పురాతన ఆలయాలకు నిలయం.కొన్ని వందల సంవత్సరాల క్రితం నిర్మించిన ఈ ఆలయాలు ఇప్పటికీ చెక్కుచెదరకుండా, ఎంతో అందంగా ఉన్నాయి.

 Where Is The 800 Year Old Vasu Temple Located, Lord Vasu Temple ,800 Years Old T-TeluguStop.com

మన దేశంలోని వివిధప్రాంతాలలో ఉన్న ఈ దేవాలయాలను దర్శించడానికి మనదేశంలోనే కాకుండా, ఇతర దేశాల నుంచి భక్తులు ఎక్కువగా తరలివస్తుంటారు.ఇటువంటి అతి పురాతనమైన దేవాలయాలలో ఒకటిగా శ్రీ వాసు దేవాలయం కూడా ఎంతో ప్రసిద్ధి చెందింది.800 సంవత్సరాల క్రితం నిర్మించిన ఈ ఆలయం విశిష్టత ఏమిటో తెలుసుకుందాం…

శ్రీవాసుదేవపెరుమాళ్ ఆలయం….పెరుమాళ్ ఈ పేరును సాధారణంగా తమిళ భాషలలో ఎక్కువగా వాడుతుంటారు.

అలాంటప్పుడు ఈ దేవాలయం తమిళనాడులో ఉంది అనుకుంటే పొరపాటు పడినట్టే .ఇంతటి పురాతన ఆలయం ఆంధ్రప్రదేశ్_ ఒరిస్సా సరిహద్దులో శ్రీకాకుళం జిల్లా కి వంద కిలోమీటర్ల దూరంలో మందస అనే ప్రాంతంలో నిర్మించబడింది.ఈ దేవాలయంలోని పెరుమాళ్ ఆలయాన్ని సందర్శించే భక్తుల సమస్త పాపాలు తొలగిపోయి, సకల సంతోషాలతో నిండి ఉంటారని ప్రసిద్ధి.

ఈ దేవాలయ నిర్మాణాన్ని బట్టి చూస్తే కొన్ని వందల సంవత్సరాల క్రితం నాటిదని అర్థమవుతుంది.

అయితే 300 సంవత్సరాల క్రితం ఈ ఆలయాన్ని మందసను పరిపాలించిన మణిదేవమహారాజు వైష్ణవ మతం మీద గౌరవంతో తిరిగి ఆలయాన్ని పునరుద్ధరించారు.ఈ ఆలయంలోనే చిన్న జీయర్ స్వామి గురువైన పెద్ద జీయర్ స్వామి వారు ఇక్కడే శ్రీభాష్యం చదువుకున్నారు.

ఇంతటి ప్రాముఖ్యత కలిగిన ఈ వైష్ణవాలయంను సందర్శిస్తే సమస్త లోకంలో ఉన్న వైష్ణవ ఆలయాలను సందర్శించిన పుణ్యఫలం లభిస్తుందని విశ్వాసం.

Telugu Temple, Gopalasagar, Mundasa, Srikakulam-Latest News - Telugu

ఈ ఆలయంలో శ్రీదేవి, భూదేవి సమేతంగా పెరుమాళ్ కొలువై ఉన్నారు.ఈ ఆలయం పక్కనే గోపాల సాగర్ జలాశయం ఉంది.ప్రతి సంవత్సరం మాఘ మాసంలో ఈ ఆలయాన్ని భక్తులు పెద్ద ఎత్తున దర్శిస్తుంటారు.

మాఘ మాసం లో జరిగే బ్రహ్మోత్సవాలలో భాగంగా చక్ర తీర్థ వేడుకలు ఈ జలాశయం లోనే జరుగుతాయి.ఈ బ్రహ్మోత్సవాల్లో పాల్గొనడానికి వివిధ ప్రాంతాల నుంచి భక్తులు పెద్ద ఎత్తున ఇక్కడికి చేరుకుంటారు.

Follow Us on FacebookFollow Us on WhatsAppFollow Us on Twitter

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube