వాట్సాప్ కి ప్రభుత్వం మధ్య క్లారిటీ మిస్ ! ఇండియాలో ఈ యాప్ ఆగిపోతుందా ...?  

whatsapp may have to shut operations in india -

స్మార్ట్ ఫోన్ వాడుతున్నవారంతా ఇప్పుడు వాట్సాప్ ఉపయోగిస్తున్నవారే.చదువుకున్నవారు చదువుకొని వారు అనే తేడా లేకుండా ప్రతి ఒక్కరూ ఇప్పుడు వాట్సాప్ వాడేస్తున్నారు.అయితే ఇప్పుడు ఈ యాప్ ఉపయోగించే వారందరికీ ఓ షాక్ తగిలే సూచనలు కనిపిస్తున్నాయి.ఎందుకంటే….భద్రతకు సంబందించిన విషయంలో వాట్సాప్ కి ప్రభుత్వానికి మధ్య కొంతకాలంగా అంతర్గత వార్ జరుగుతోంది.దీని కారణంగా ఈ భారత్ లో వాట్సాప్ బంద్ అయ్యే అవకాశం ఉన్నట్టు స్పష్టమైన వార్తలు వినిపిస్తున్నాయి.

Whatsapp May Have To Shut Operations In India

కంపెనీ వాట్సాప్ మెస్సేజ్ ల గురించి ప్రభుత్వానికి సమాచారం ఇవ్వాలనేది భారత ప్రభుత్వం వాట్సాప్ కి విధించిన షరతుల్లో కీలకమైనది.దీని ప్రకారం ఏ మెసేజ్ ఎక్కడి నుంచి వైరల్ అవుతోంది ? ముందుగా ఎవరు దానిని పంపించారు అనే విషయం తెలుస్తుంది.కానీ దీనికి వాట్సాప్ మాత్రం ఒప్పుకోవడంలేదు.డిఫాల్ట్ గా తాము ఎండ్-టు-ఎండ్ ఎన్క్రిప్షన్ టెక్నాలజీ వాడుతున్నామని, అందువల్ల తాము కూడా మెసేజ్ లు చదవలేమని ఫేస్ బుక్ యాజమాన్యంలోని వాట్సాప్ వాదిస్తోంది.

ఎండ్-టు-ఎండ్ ఎన్క్రిప్షన్ అంటే మెసేజ్ పంపినవారు, పొందినవారు మాత్రమే ఆ సందేశం చూడగలరు.మిగతావారు దానిని చదవడం సాధ్యం కాదు.మెసేజ్ లు ఎక్కడి నుంచి ఎక్కడికి వెళ్తున్నాయో కనిపెట్టాలన్న ప్రభుత్వ నియమమే ఈ షరతుల్లో క్లిష్టమైనదని వాట్సాప్ కమ్యూనికేషన్ హెడ్ కార్ల్ వూగ్ అన్నారు.

ఎండ్-టు-ఎండ్ ఎన్క్రిప్షన్ ఫీచర్ లేకపోతే వాట్సాప్ ఎందుకు పనికి రానిదవుతుందని, దానికంటూ ఎలాంటి ప్రత్యేకత లేకుండా పోతుందని ఆవేదన వ్యక్తం చేశారు.ఎండ్-టు-ఎండ్ ఎన్క్రిప్షన్ కారణంగా ప్రభుత్వం ఏ మెసేజ్ ఎక్కడి నుంచి ఎక్కడికి వెళ్లిందో తెలుసుకోవడం ప్రభుత్వానికి కష్టంగా మారింది.దీంతో మెసేజ్ ల ద్వారా వ్యాప్తి చెందే పుకార్లను ఎవరు పుట్టిస్తున్నారో, ఎక్కడ పుట్టిస్తున్నారో కనుక్కోవాలని సర్కార్ ప్రయత్నిస్తోంది.వాట్సాప్ యాప్ దుర్వినియోగం చేస్తూ హింస వ్యాపింపజేసే మెసేజ్ లను అడ్డుకొనేందుకు ఈ నియమాన్ని తప్పనిసరిగా పాటించాల్సిందేనని ప్రభుత్వం చెబుతోంది.

తెలుగు వార్త విశేషాలు సులభముగా తెలుసుకోండి!!!!

ప్రతి రోజు ముఖ్యమైన వార్త విశేషాలు ,సినిమా,రాజకీయ విశ్లేషణలు,ఆరోగ్య సూత్రాలు,ఎన్నారై ,వీసా సమాచారం కోసం తెలుగుస్టాప్ డైలీకి Subscribe చేయండి,సోషల్ మీడియా లో ఫాలో అవ్వండి.మీ ఇమెయిల్/ఫోన్ నెంబర్(Country Code) తో నమోదు చేయండి.
Follow Us on Facebook Follow Us on WhatsApp  Follow Us on Twitter Follow Us on YouTube

తాజా వార్తలు

Whatsapp May Have To Shut Operations In India Related Telugu News,Photos/Pics,Images..