వాట్సాప్‌లో క‌నిపించే వివిధ హార్ట్స్ కు ఎన్ని అర్థాలున్నాయో తెలుసా?

వాట్సాప్ జీవితంలో ఒక భాగంగా మారిపోయింది.దీనిలో అనేక‌ ఎమోజీలు క‌నిపిస్తాయి.

ఇవి మ‌న మనసులోని భావాల‌కు గుర్తుగా నిలుస్తాయి.వీటిలో హృదయ ఆకారపు ఎమోజీలు కూడా ఉంటాయి.

వీటిని యూజ‌ర్స్ వినియోగిస్తుంటారు.అయితే వాట్సాప్‌లో ఎన్ని హృద‌యాకార‌పు గుర్తులున్నాయి? వాటి అర్థాలేమిటో ఇప్పుడు తెలుసుకుందాం.

తెలుపురంగు హృద‌యం:

వైట్ హార్ట్ ఎప్పటికీ అంతం చేయలేని ప్రేమను సూచిస్తుంది.దీన్ని తల్లిదండ్రులు పిల్లల కోసం ఉపయోగిస్తారు.

ఎరుపురంగు హృద‌యం :

ఈ ఎరుపు రంగు హృదయం నిజమైన ప్రేమను సూచిస్తుంది.

న‌లుపురంగు హృద‌యం:

ఇది దుఃఖానికి ప్రతీకగా ఉపయోగించబడుతుంది.

ప‌సుపురంగు హృద‌యం:

ఈ హృదయాన్ని స్నేహం, ఆనందం కోసం ఉపయోగిస్తారు.

ఆకుప‌చ్చ హృద‌యం:

చాలా మంది దీనిని ఆరోగ్యకరమైన జీవనం కోసం కూడా ఉపయోగిస్తారు.

పర్పుల్ క‌ల‌ర్ హృద‌యం:

ఇది సున్నితమైన ప్రేమకు, సంపద కోసం ఉపయోగించబడుతుంది.

నీలిరంగు హృద‌యం:

ఈ ఎమోజీ విశ్వాసం, శాంతి మొదలైన వాటి కోసం ఉపయోగించబడుతుంది.

మెరిసే హృదయం:

రెండు నక్షత్రాలు కనిపించే హృదయాలను మెరుపు హృదయాలు అంటారు.ఇది ఉల్లాసభరితమైన, మధురమైన ప్రేమ కోసం ఉపయోగించబడుతుంది.

కొట్టుకునే హృద‌యం:

పింక్ కలర్ హార్ట్‌పై లైన్స్‌తో క్లాసిక్ హార్ట్ రూపంలో ఉంటుంది.

పెరుగుతున్నట్లు క‌నిపించే హృదయం:

ఒక హృదయం వెనుక మరొక హృద‌యం క‌నిపిస్తుంది.ఇది హృదయంలోని భావాలను పెంచడానికి ఉపయోగించబడుతుంది.

ప‌గిలిన‌ హృదయం:

నమ్మకం కోల్పోయిన‌ప్పుడు ఇది ఉపయోగించబడుతుంది.

ఆరెంజ్ హృద‌యం:

ఆరెంజ్ హృదయాన్ని స్నేహం, సంరక్షణ, మద్దతు మొదలైన వాటి కోసం ఉపయోగిస్తారు.

ఆశ్చర్యార్థక హృద‌యం గుర్తు:

ఇందులో గుండె కింద ఒక చుక్క కూడా ఉంటుంది.మీరు ఎవరితోనైనా పూర్తిగా ఏకీభవిస్తున్నారని దీని.అర్థం.

బాణం గుర్తు హృద‌యం:

ఈ గుర్తు క‌లిగిన హృదయం అంటే బలమైన ప్రేమకు చిహ్నం అని అర్థం.

రెండు హృదయాలు:

రెండు హృద‌యాలు ఉన్న ఎమోజి కూడా క‌నిపిస్తుంది.ఇది ప్రేమ వ్యాప‌క‌త్వానికి చిహ్నం.

విల్లు క‌లిగిన హృద‌యం:

మీ హృదయాన్ని ఎవరికైనా బహుమతిగా ఇస్తున్నారని దీని అర్థం.