కొద్ది రోజుల క్రితం తమ నూతన ప్రైవసీ పాలసీని అంగీకరిస్తెనే మీ వాట్సప్ అకౌంట్ పనిచేస్తుంది.లేకపోతే, లేదు అన్న వాట్సాప్ తాజాగా వెనకడుగు వేస్తోంది.
యూజర్లను వార్నింగ్ ఇచ్చిన వాట్సాప్ క్రమంగా తన నిర్ణయాలను వెనక్కు తీసుకుంటుంది.ముఖ్యంగా కొత్త రూల్స్ ను పాటించని యూజర్లువాటికి ప్రత్యామ్నాయంగా మరికొన్ని ఆ యాప్ లపై చూస్తుండడంతో వాట్సాప్ తన యూజర్లను కాపాడుకోవడం కోసం వాటిని గడువు మే 15 వరకు వాయిదా వేసినట్లు తాజాగా ప్రకటించింది.
ఇందులో భాగంగానే తాజాగా వాట్సాప్ ప్రతి ఒక్కరి వాట్సాప్ స్టేటస్ లో కొన్ని స్టేటస్ లను పెట్టింది.
యూజర్లను ఆకర్షించే ప్రయత్నంలో భాగంగా వాట్సాప్ స్టేటస్ ను ఉపయోగించుకుంది.
వాట్సప్ యూజర్లు తమ వాట్సప్ ఓపెన్ చేస్తే స్టేటస్ ల లో చూస్తే వాట్సాప్ కు సంబంధించిన కొత్త స్టేటస్ అందరికీ కనబడుతోంది.దానిని ఓపెన్ చేయగా వాట్సాప్ పంపిన కొత్త స్టేటస్ లు కనబడుతున్నాయి.
అయితే యూజర్ ఒక్కసారి ఈ స్టేటస్ ను చూసిన తర్వాత మళ్ళీ ఆ స్టేటస్ లు స్టేటస్ బార్ లో కనిపించట్లేదు.
ఇందులో భాగంగానే వాట్సప్ వినియోగదారులకు వాట్సప్ సంస్థవారు మీ ప్రైవసీకి తాము కట్టుబడి ఉన్నామని.మీ ప్రైవేట్ మెసేజ్ లు end-to-end ఎన్క్రిప్టెడ్ కాబట్టి వాటిని తాము చూసే అవకాశం లేనే లేదని చెప్పుకొచ్చింది.వీటితో పాటు మీరు షేర్ చేసిన లొకేషన్ తాము చూడమని, మీ కాంటాక్ట్స్ ను ఫేస్బుక్ తో షేర్ చేసుకోమని స్టేటస్ గా పెట్టి వాట్సప్ వినియోగదారులకు ఆకర్షించాలని ప్రయత్నం చేస్తోంది.
దీన్ని బట్టి చూస్తే వాట్సప్ కాస్త నిదానంగా కళ్ళు తెరిచినట్లుగా కనబడుతోంది.జరగాల్సిన నష్టం పూర్తిగా జరిగిన తర్వాత వాట్సప్ మేలుకొన్నట్లు అయ్యింది పరిస్థితి.దీనికి కారణం ఇప్పటికే చాలామంది వాట్సాప్ యూజర్లు వారి పర్సనల్ సమాచార భద్రత లేదని భావించి టెలిగ్రామ్, సిగ్నల్ యాప్ లను డౌన్ లోడ్ చేసుకోవడం జరుగుతోంది.
తెలుగు వార్త విశేషాలు సులభముగా తెలుసుకోండి!!!!
