అడవులలో మనకు తెలియని జంతువులు చాలా ఉంటాయి.కాని అవి బ్రతకడానికి అనువైన వాతావరణం అక్కడే ఉంటుంది కావున మనకు అన్ని రకాల జంతువులను చూడగలిగే అవకాశం తక్కువ.
కొన్ని వింత జంతువులు అడవులలోనే పుట్టి అడవులలోనే కనుమరుగవుతాయి.కాని ఆ జంతువులు అటవీ అధికారుల దృష్టికి వస్తే తప్ప ఆ వింత జంతువు గురించి బయట ప్రపంచానికి తెలిసే అవకాశం లేదు.
అయితే ఈ మధ్య అడవులను పూర్తిగా నాశనం చేస్తున్నారు కాబట్టి అడవిలో ఉండాల్సిన జంతువులు నివాస సముదాయాలలోకి వస్తున్నాయి.
అంతేకాక ఈ మధ్య పెద్ద ఎత్తున అడవులలో కార్చిచ్చు రేగడంతో ఎన్నో జంతువులు ఆ దట్టమైన అడవులలోంచి అన్నీ బయటకి వచ్చిన దృశ్యాలు మనం చూసాం.
ఇలా అమెరికాలోని కొలరడా అడవుల్లో కార్చిచ్చులో ఎన్నో జంతువులు కన్నుమూసాయి.కాని ప్రస్తుతం ఆ అడవుల్లో ఎన్ని జంతువులు మనుగడ సాధిస్తున్నాయని హెలికాఫ్టర్ ద్వారా ఓ సర్వే నిర్వహించారు.
ఆ సర్వేలో ఒకే సారి వంద ఎల్క్ లు అనగా అతి పెద్ద జింక జాతులు వీడియోకు చిక్కాయి.మొత్తం సర్వేలో 4200 ఎల్క్ లను గుర్తించినట్లు సర్వే నిర్వాహకులు తెలిపారు.