ఏటీఎంలో డబ్బులు డ్రా చేయడం కామనే.అయితే ఆ డబ్బులను డ్రా చేసే విధానమే కొంత మందికి వెరైటీ అనిపిస్తుంది.
తాజాగా ఇలా వెరైటీగా డబ్బులను డ్రా చేసిన ఓ వీడియో నెట్టింట్లో వైరల్ అవుతోంది.సోషల్ మీడియాలో ఈ మధ్య చాలా మంది అనేక రకాల వీడియోలను పెడుతూ తెగ వైరల్ చేసేస్తున్నారు.
ఇప్పుడు ఈ వీడియో కూడా నెటిజన్లను తెగ అట్రాక్ట్ చేస్తోంది.ఓ ఏటీఎం సెంటర్కు వెళ్లిన ఓ అమ్మాయి చేసిన వెరైటీ డ్యాన్స్ సోషల్ మీడియాలో వైరల్గా మారింది.
సాధారణంగా ఏటీఎం మిషన్ నుండి డబ్బు డ్రా చేయాలంటే ఏటీఎం కార్డు ఉండాలి.ఏటిఎంకు సంబంధించి పిన్ నెంబర్ తెలిసుండాలి.
ఇక ఏటీఎం సెంటర్లో క్యూ లైన్ ఉంటే మన టర్న్ కోసం వేచి చూడాలి.ఒకవేళ క్యూ లేదంటే డైరెక్టుగా వెళ్లొచ్చు.
కార్డ్ సాయంతో పిన్నెంబర్ టైప్ చేసి నగదు విత్డ్రా చేసుకుంటారు.కానీ, ఈ అమ్మాయి మాత్రం నగదు డ్రా చేసుకునేందుకు ఇలా వెరైటీగా ట్రై చేసింది.
ఏటిఎంకు వెళ్లిన ఆ అమ్మాయి తన స్టెప్పులతో అందర్నీ ఆకట్టుకుంది.ఏటీఎం వాడింది మొదలు నెంబర్ టైప్ చేయటం, నగదు బయటకు వచ్చే వరకు ఒక్కో దశలో ఒక్కో విధంగా డ్యాన్స్ స్టెప్పులు వేస్తూ అందర్నీ ఆశ్చర్యపరిచింది.
చివరకు డ్రా చేసిన డబ్బు తీసుకుని హ్యాపీగా వెళ్లిపోయింది.ఇక ఆ అమ్మాయి చేసిన డ్యాన్స్ అక్కడున్న సీసీ కెమెరాలో రికార్డు అయింది.ఈ వీడియోను ఐపీఎస్ అధికారి దీపాన్షు కబ్రా తన ట్విట్టర్లో షేర్ చేశారు.కాగా, ప్రస్తుతం ఈ వీడియో నెట్టింట వైరల్గా మారింది.
ఏటీఎం నుంచి డబ్బును ఇలా కూడా విత్ డ్రా చేయొచ్చా అని నెటిజన్లు కామెంట్స్ చేస్తున్నారు.ప్రస్తుతం ఇలా డ్యాన్స్ వేసిన వీడియోను చూసి అందరూ తెగ నవ్వుకుంటున్నారు.