ఈ మధ్య కాలంలో సోషల్ మీడియాలో రకరకాల వీడియోలు వైరల్ గా మారుతున్నాయి.వాటిల్లో జంతువులకు సంబందించిన వీడియోల గురించి అయితే ప్రత్యేకంగా చెప్పనవసరం లేదు.
నిత్యం సోషల్ మీడియాలో ఏదో ఒక జంతువుకు సంబందించిన వీడియో నెటిజన్లను బాగా ఆకట్టుకుంటూ వస్తుంది.ఈ క్రమంలోనే ఇప్పుడు కూడా ఒక వీడియో నెట్టింట్లో వైరల్ గా మారి నెటిజెన్ల మనసులను దోచుకుంటుంది.
మామూలుగానే అడవి అంటేనే రకరకాల జంతువులు నివాసం ఉంటాయి.అయితే అన్ని జంతువుల్లో కెల్లా పులికి ఒక ప్రత్యేక స్థానం ఉంది.
ఎందుకంటే పులి పంజా విసిరిదంటే ఎలాంటి జంతువు అయినా సరే దానికి ఆహారం అవ్వవలిసిందే.
జంతువులకే కాదు మనుషులకు కూడా పులి పేరు వినగానే ఎక్కడ లేని భయం వస్తుంది.
అందుకే అడవిలో పులి ఆధిపత్యం పూర్తిగా భిన్నంగా ఉంటుంది.అందుకే చాలా చిన్న జంతువులు పులికి దూరంగా ఉంటాయి.
అసలు ఇప్పుడు ఇదంతా ఎందుకు అనుకుంటున్నారా.అందుకే ఒకసారి ఈ వీడియో చూస్తే మీకే అర్ధమవుతుంది.
ఒక కుక్క పాపం పులి ఉండే చోటిలోకి వెళ్లి కూర్చుంది.బహుశా ఆ కుక్కకు తెలియదేమో పులి ఎంత ప్రమాదకరమైన జంతువో అనే విషయం.
అయితే అక్కడ ఉంది ఒక్క పులి కాదు ఏకంగా ఐదు పులులు ఉన్నాయి.వాటిని చూసి మనకే గుండె జారిపోతుంటే మరి ఆ కుక్క పరిస్థితి ఏంటి అని ఒక్కసారి ఆలోచించండి.దర్జాగా నాకు ఏమి భయం లేదు అని ఎంచక్కా వాటి మధ్యలో కూర్చుంది.అందులో ఏ పులి అయినా పంజా విసిరిందంటే చాలు ఆ కుక్క పని అంతే సంగతులు.
కానీ అక్కడ మనం అనుకున్నట్లు ఏమి జరగలేదు ఆ పులులు ఆ కుక్కను ఎంతో ప్రేమగా తాకుతాయి.ఆ వీడియో చూసి నెటిజన్లు సైతం ఆశ్చర్యపోతున్నారు.ఈ వీడియో పట్ల ఎవరికీ తోచిన కామెంట్స్ వారు పెడుతున్నారు.