మన భారతదేశంలో ఎన్నో రకాల నృత్యాలు పేరు పొందినాయి.కళలకు పుట్టినిల్లు అయిన భారతదేశంలో భరత నాట్యం ఎంతో ప్రాముఖ్యం చెందింది.
వేల మంది కళాకారులు ఈ నాట్యం నేర్చుకుని వివిధ దేశాలలో భరత నాట్య ప్రదర్శనలు ఇస్తూ పేరు తెచ్చుకున్న వారు ఎందరో.మన భారతదేశంలో భరతనాట్యం ఏ విధంగా ఫేమస్ అయ్యిందో అమెరికా దేశంలో హిప్-హాప్ అనే డాన్స్ కూడా అంతే ఫేమస్.
అయితే ఓ ఆంగ్లో-ఇండియన్ కొత్తగా ఆలోచించి భరతనాట్యాన్ని హిప్-హాప్ రెండింటిని మేళవించి ఓ కొత్త రకమైన డాన్స్ ను ప్రదర్శించారు.ఇందుకు సంబంధించిన వీడియో ప్రస్తుతం సోషల్ మీడియాలో తెగ వైరల్ గా మారింది.
వీటికి సంబంధించి పూర్తి వివరాల్లోకి వెళితే…
భారతదేశ చీరకట్టుతో, మరోవైపు అమెరికన్ వస్త్రధారణ కలగలిపి ఉండేలా వస్త్రధారణ చేసుకొని ఈ డాన్స్ కు కొత్తదనం మేళవించారు.ఉష అనే మహిళ తన మిత్రురాలితో కలిసి ఈ కొత్తరకం డాన్సును సోషల్ మీడియా ను ఫ్లాట్ఫామ్ గా చేసుకొని ప్రపంచవ్యాప్తంగా తెలియజేస్తున్నారు.
ఉష ఆమె ఫ్రెండ్ ఓర్లేన్ భరతనాట్యం, హిప్-హాప్ సాంగ్స్ కలిపి ఓ కొత్త డాన్స్ వీడియో ను రూపొందించారు.ఇక ఈ వీడియోని సోషల్ మీడియాలో పోస్ట్ చేయగా అది కాస్తా బాగా వైరల్ గా మారింది.
అయితే ఈ డాన్స్ చూడడానికి చాలా కొత్తగా అనిపిస్తుంది.దీన్ని చూసి నెటిజన్స్ ఫిదా అయిపోతున్నారు.నిజానికి భరతనాట్యం, హిప్-హాప్ డాన్సు రెండు వేరు వేరు రకాల నృత్యాలు.అంతేకాక భారతదేశ సాంప్రదాయబద్ధంగా జరిపే డాన్స్ ఒకటి, మరొకటి అమెరికా దేశంలో కుర్రకారు ఉర్రూతలూగించే చేసే డాన్స్ ఒకటి.
కానీ, ఉష తన స్నేహితురాలు మాత్రం ఈ రెండింటిని ఒక చోటికి తీసుకు వచ్చి వాటిని కలిపి డాన్సులు చేయడం నిజంగా అబ్బురపరిచే విషయం.వీరు డాన్స్ చేయడమే కాదు అందరితో శభాష్ అనిపించుకొనేలా ఈ డాన్స్ చేయడం నిజంగా అభినందించే విషయమే.
ఇక ఈ వీడియోకి ఉష ” హైబ్రిడ్ భారతం “ అని పేరు పెట్టి పోస్ట్ చేసింది.గత రెండు నెలల నుంచి ఆవిడ యూట్యూబ్ లో ఒక ఛానల్ మొదలు పెట్టి అందులో ఈ వీడియోలు పోస్ట్ చేస్తూ వస్తోంది.
ఇక ఈ విషయంపై ఉష స్పందిస్తూ తనకు భరత నాట్యం పట్ల తనకి ఎనలేని ప్రేమ ఉందని.కాకపోతే, తానేమి భరతనాట్యంలో నిపుణురాలుని కాదని తెలుపుతూనే తాను రెండు డిఫరెంట్ జోనర్ లకు సంబంధించి నృత్యం తయారు చేయడం పట్ల సంతోషంగా ఉన్నట్లు తెలిపింది.
