తాజాగా ఓ సంఘటనకు సంబంధించిన వీడియో ఒకటి సోషల్ మీడియాలో వైరల్ గా మారింది.ఇందుకు సంబంధించిన వివరాల్లోకి వెళితే.
రోడ్డుపై ఓ వ్యక్తి తనకు ఇష్టం వచ్చినట్లుగా ఎలాంటి ట్రాఫిక్ రూల్స్ ను పాటించకుండా కార్ ను నడిపినందుకు అడ్డుకోబోయిన ఓ ట్రాఫిక్ కానిస్టేబుల్ ను ఏకంగా కారుతో గుద్దడమే కాకుండా అమాంతం అతడిని అలాగే కారుతో లాక్కొని వెళ్ళిన ఈ సంఘటన ఒకటి ఇప్పుడు ట్రెండింగ్ టాపిక్ గా మారింది.
మహారాష్ట్రలోని నాగపూర్ నగరానికి చెందిన ఓ వ్యక్తి కారు నడుపుతున్న సమయంలో పోలీస్ కానిస్టేబుల్ అతడిని ఆపడానికి ప్రయత్నించడంతో ట్రాఫిక్ విధులు నిర్వహిస్తున్న కానిస్టేబుల్ పై ఆ కారు డ్రైవర్ కారును ఆపకుండా అలాగే ముందుకు పోనిచ్చాడు.
దీంతో ఆ ట్రాఫిక్ పోలీస్ కానిస్టేబుల్ ఆ కారు యొక్క బెన్నెట్ ను గట్టిగా పట్టుకోవడంతో అతడు ప్రాణాలను కాపాడుకున్నాడు లేకపోతే ఆ కారు కింద ట్రాఫిక్ కానిస్టేబుల్ పడి ఎలాంటి ఇబ్బందులను ఎదుర్కోవాల్సిన పరిస్థితి ఏర్పడేదో.
ఇంత జరుగుతున్న ఆ కారు డ్రైవర్ మాత్రం ఆ కారుని ఎంతకీ ఆపలేదు.కారుని వేగంగా నడుపుతూ కానిస్టేబుల్ ని కింద పడేసే ప్రయత్నం చేశాడు.అంతేకాదు రోడ్డుపై తనకు అడ్డం వచ్చిన వాహనాలను సైతం ఢీ కొడుతూ ముందుకు సాగాడు.
ఇదే సమయంలో ఆ కారు ఓ వాహనాన్ని సైతం ఢీ కొట్టడం సీసీ కెమెరాలో రికార్డయింది.దీంతో ఆ బైక్ పై ఉన్నవారు కొద్దిలో ప్రమాదం నుంచి తప్పించుకున్నట్లు అయింది.
ఆ కారు డ్రైవర్ పోలీస్ కానిస్టేబుల్ ఏకంగా 500 మీటర్ల వరకు కారు ముందు భాగంలో ఉంచి తీసుకు వెళ్ళాడు.ఇలా చివరికి పోలీసులు ఆ కారు డ్రైవర్ ను అదుపులోకి తీసుకొని విచారణ చేస్తున్నారు.
ఇందుకు సంబంధించిన ఘటనకు ఆధారంగా నగరంలోని పలు సిసి కెమెరాల్లో ఈ సన్నివేశాలు రికార్డయ్యాయి.