ఫిబ్రవరి నెల వచ్చిందంటే చాలు ప్రపంచంలోని ప్రేమికులు తెగ సంబరాలు చేసుకోవడం మనం గమనిస్తూనే ఉంటాం.తాజాగా జరిగిన ప్రేమికుల దినోత్సవాన్ని పురస్కరించుకొని ప్రపంచంలోని ఎంతోమంది ప్రేమికులు ఆ రోజు కానుకగా పువ్వులు, ఇంకా చాక్లెట్ ఇలా అనేక రకాల గిఫ్ట్స్ ఇచ్చుకుంటూ ఆ రోజును సంబరాలు జరుపుకున్నారు.
అయితే తాజాగా వచ్చిన ప్రేమికుల రోజున పురస్కరించుకొని దక్షిణాఫ్రికా దేశంలో ఓ వేటగాడు తన భార్యకు ఏకంగా జిరాఫీ గుండె ను బహుమతిగా అందజేసి ప్రపంచవ్యాప్తంగా వార్తల్లో నిలిచాడు.ఇందుకు సంబంధించి పూర్తి వివరాల్లోకి వెళితే.
దక్షిణాఫ్రికాకు చెందిన మెరెలైజ్ వాన్ డెర్ మెర్వే అనే మహిళ చనిపోయిన జిరాఫీ హృదయాన్ని పట్టుకొని ఓ ఫోటోను తన ట్విట్టర్ ద్వారా షేర్ చేసింది.ఈ ఫోటోని ఉద్దేశించి తన వాలెంటైన్ ప్రేమికుల దినోత్సవాన్ని పురస్కరించుకొని తనకి జిరాఫీ గుండెను ఇచ్చాడని తెలిపింది.
ఆ జంతువును చంపడానికి తన భర్త ఏకంగా ఒక లక్ష రూపాయలను చెల్లించాడని చెప్పుకొచ్చింది.అయితే ఈ పోస్ట్ పెట్టి పెట్టగానే ఆ పోస్ట్ పై పెద్ద ఎత్తున విమర్శలు రావడంతో ఆవిడ ఆ పోస్ట్ ని తొలగించింది.
నిజానికి జిరాఫీ ఎంత పెద్దగా ఉంటుందో మనకు తెలిసిందే.అదే ఆ జిరాఫీ గుండె కూడా ఎంత పెద్దదో ఉంటుందో ఆలోచించవచ్చు.
అంత పెద్ద గుండె తనకి వాలెంటైన్ గిఫ్ట్ గా ఇచ్చినందుకు తాను కచ్చితంగా చంద్రునిపై ఉన్నానని ఫీల్ అవుతున్నాను అంటూ ఆవిడ ఆ పోస్టులో తెలిపింది.అంతేకాదు ఆ చనిపోయిన జిరాఫీ చర్మాన్ని తాను పడుకునే సమయంలో రగ్గుగా ఉపయోగించాలని అనుకుంటున్నట్లు ఆవిడ తెలిపింది.
దీంతో ఆవిడ పై సోషల్ మీడియాలో జంతు ప్రేమికులు తీవ్ర ఆగ్రహం వ్యక్తం చేస్తున్నారు.ఇక ఈ దంపతులు ఇప్పటివరకు ఆ ప్రాంతాలలో 500 జంతువులకు పైగా హతమార్చినట్లు అటవీ అధికారులు తెలుపుతున్నారు.
