13 ఏళ్ల భారతీయ అమ్మాయి సుచేత సతీష్ ఒక లైవ్ కన్సర్ట్ లో 6 గంటల 15 నిమిషాల పాటు పాటలు పాడి తనలోని అరుదైన టాలెంట్ ని బయటపెట్టింది.నిజానికి ఒక సింగర్ మూడు లేదా నాలుగు భాషలు.
మహా అంటే పది భాషలలో పాటలు పాడగలగుతారు.కానీ సుచేతా సతీష్ మాత్రం 100 కి పైచిలుకు భాషల్లో పాటలు పాడి అరుదైన రికార్డును సృష్టించింది.
దుబాయ్ లో జరిగిన పాటల పోటీల్లో పాల్గొన్న ఈ చిన్నారి 2 రికార్డులను తన సొంతం చేసుకుంది.ఎక్కువ భాషల్లో పాటలు పాడినందుకు గాను వందమంది అత్యంత శ్రేష్ఠమైన పిల్లలలో సుచేత సతీష్ స్థానం దక్కించుకుంది.ప్రపంచంలోనే అత్యంత అద్భుత శక్తి కలిగిన వందమంది పిల్లలలో స్థానం దక్కించుకోవడం నిజంగా గర్వ దాయకం.
100 global child prodigy అవార్డు దక్కించుకున్నందుకు సుచేత తల్లిదండ్రులు ఆనందం వ్యక్తం చేశారు.చిన్న పిల్లల్లో సుదీర్ఘంగా సంగీత కచేరీ చేసినందుకు గాను ఆమెకు మరొక అవార్డు లభించింది.2 సంవత్సరాల క్రితం దుబాయిలోని ఇండియన్ కాన్సలేట్ ఆడిటోరియంలో జరిగిన సంగీత కచేరీ పోటీలో తాను పాల్గొన్నానని.6 గంటల 15 నిమిషాల పాటు తాను పాటలు పాడానని.మొత్తం 102 భాషల్లో పాటలు పాడాలని ఆమె చెప్పి ఆశ్చర్యపరిచింది.
దుబాయ్ లోనే ఇండియన్ హైస్కూల్లో చదువుతున్న సుచేత 120 భాషల్లో పాడగలదు.
సాధారణంగా ఒక కొత్త భాష లో ఉచ్చారణ దోషాలు లేకుండా పాడాలంటే చాలా నైపుణ్యం, పట్టుదల, కృషి కలిగి ఉండాలి.అలాంటిది సుచేత 120 భాషల్లో పాడ గలుగుతుందంటే నిజంగా ప్రశంసనీయం అనే చెప్పుకోవాలి.ఈ సంగీత సరస్వతీ ఇటీవల తన రెండో ఆల్బమ్ అయిన “యా హాబీబీ” ను మమ్ముట్టి, ఉన్ని ముకుందన్ సమక్షంలో విడుదల చేసింది.
ఏ ఆర్ రెహమాన్ కూడా సుచేత అరుదైన టాలెంట్ కి ఫిదా అయిపోయి 100 గ్లోబెల్ చైల్డ్ ప్రాడిజీ అవార్డు కు స్పాన్సర్ చేస్తున్నారు.