పసిపిల్లలు. వారిగురించి మాట్లాడకుంటే మనకి రోజే గడవదు.
ఆ స్థాయినుండి వచ్చిన మనం వారిని చూసినపుడు మరలా వారి వయస్సుకే వెళ్ళిపోతాం.వారు చేసే చేష్టలు మనసుకి ఆహ్లాదాన్ని కలిగిస్తాయి.
అందుకే పొద్దంతా కస్టపడి, ఏ సాయంత్రమో వారితో కాసేపు గడిపితే ఆరోజంతా పడే కష్టాన్ని ఇట్టే మర్చిపోవచ్చు.ఇలా వారి చేష్టలు ఒక్కోసారి మనకు ఆశ్చర్యాన్ని కలిగిస్తాయి.
తాజాగా అలాంటి సంఘటనే జరిగింది.ఓ చిట్టితల్లి ఆడుకోవడానికి బయటకు వెళ్లి, కాసేటి తర్వాత ఇంటికి ఓ అతిథితో వచ్చింది.
ఆ అతిధి ఎవరో తెలిస్తే మీరు అవాక్కవుతారు.తనతో పాటు బుల్లి కూనను వెంట తీసుకొచ్చింది.
అదే పిల్లి కూన. అవును… మొదట ఆ పిల్లి కూనను చూసిన ఇంట్లోవారు సంబరపడగా, కాస్త పరిశీలినగా చూసి అవాక్కయ్యారు.ఎందుకంటే అది పిల్లి పిల్ల కూన కాదు.అది ఓ చిరుత పులి కూన.అయితే ఆ చిరుత పిల్ల రోజుల వయస్సు కావడంతో దాంతో వారు కూడా ఎంజాయ్ చేసారు.ఇక పులి ఆ ప్రాంతంలో లేకపోవడంతో కుటుంబ సభ్యులు ఊపిరి పీల్చుకున్నారు.
ఈ ఘటన మహారాష్ట్ర మాలేగావ్ లోని మోర్జార్ శివరా ప్రాంతంలో జరిగింది.అయితే ఆ కుటుంబ సభ్యులు ఆ పులి పిల్ల విషయంలో కాస్త సాహసమే చేశారు.
కూన కోసం తల్లి వస్తుందేమో అని.దాదాపు వారం రోజుల పాటు టెన్షన్ పడ్డారు.
అయితే, చిరుత మాత్రం ఆ ప్రాంతంలో సంచరించిన ఆనవాళ్లు కనిపించలేదు.దీంతో ఫారెస్ట్ డిపార్టెమెంట్ వారికి సమాచారం ఇచ్చి, అటవీ శాఖ సిబ్బందికి ఆ చిరుత కూనను అప్పగించారు.అయితే ఈ వారం రోజులు పాటు ఆ చిన్నారి ఆ చిరుత పిల్లతో ఎంతో సరదాగా అడ్డుకుందని ఆ కుటుంబం చెప్పుకొచ్చింది.ఈ క్రమంలో దానికి రోజూ వారు పాలు పట్టారు.
దాదాపు రోజుకు లీటరన్నర మిల్క్ ఖర్చయేదట.అయితే కూన కోసం ఆ ప్రాంతానికి చిరుత ఎప్పుడు వస్తుందో అని.మాత్రం ఆ కుటుంబ సభ్యులు కంగారు పడేవారట.