యంగ్ రెబల్ స్టార్ ప్రభాస్ హీరోగా రాజమౌళి దర్శకత్వంలో తెరకెక్కిన సినిమా ఛత్రపతి ఎంత పెద్ద హిట్ అయ్యిందో అందరికి తెలిసిందే.ఈ సినిమా ప్రభాస్ కెరియర్ లో ఒక మైలురాయి సినిమాగా నిలిచిపోయింది.
ఇప్పుడు ఈ సినిమాని బెల్లంకొండ శ్రీనివాస్ హిందీలో రీమేక్ చేస్తున్నాడు.ఎప్పటి నుంచో హిందీలోకి ఎంట్రీ ఇవ్వాలని అనుకుంటున్న బెల్లంకొండ శ్రీనివాస్ దానికోసం ఛత్రపతి సినిమాని ఎంపిక చేసుకున్నాడు.
ఈ సినిమాకి సంబంధించి ప్రస్తుతం ప్రీ ప్రొడక్షన్ వర్క్ జరుగుతుంది.వివి వినాయక్ దర్శకత్వంలో ఈ సినిమాని తెరకెక్కించాలని అనుకుంటున్నారు.
అయితే సినిమా కథలో నార్త్ ఇండియా నేటివిటీకి తగ్గట్లుగా మార్పులు, చేర్పులు చేస్తున్నారు.ఈ నేపధ్యంలో కథ పరంగా మార్పులు చేయడం కోసం ఒరిజినల్ కథ రాసిన విజయేంద్రప్రసాద్ ని తీసుకున్నట్లు తెలుస్తుంది.
ఈ ప్రాజెక్ట్ బాధ్యతలని విజయేంద్రప్రసాద్ కి అప్పగించినట్లు తెలుస్తుంది.ముఖ్యంగా సినిమా సెకండ్ హాఫ్ లో కథలో మార్పులు చేస్తారని తెలుస్తోంది.అలాగే యాక్షన్ ఎపిసోడ్స్ కూడా భారీగా ప్రెజెంట్ నేటివిటీకి తగ్గట్లు ఉండే విధంగా డిజైన్ చేస్తున్నట్లు తెలుస్తుంది.భారీ బడ్జెట్ తో తెరకెక్కబోయే ఈ సినిమా వచ్చే ఏడాది షూటింగ్ స్టార్ట్ ప్రారంభించే అవకాశం ఉన్నట్లు టాక్ వినిపిస్తుంది.
ఈ సినిమా కోసం బాలీవుడ్ హీరోయిన్ ని బెల్లంకొండ శ్రీనివాస్ కి జోడీగా తీసుకోవాలని అనుకుంటున్నారు.ఇదిలా ఉంటే ఈ హీరో ప్రస్తుతం సంతోష్ శ్రీనివాస్ దర్శకత్వంలో అల్లుడు అదుర్స్ సినిమా చేస్తున్నాడు.
ఈ సినిమా ప్రస్తుతం షూటింగ్ దశలో ఉంది.ఈ సినిమా పూర్తి కాగానే ఛత్రపతి రీమేక్మీద దృష్టిపెడతారు.