ఇళయ దళపతి విజయ్ జోసెఫ్ సినిమాలంటే కోలీవుడ్ ప్రేక్షకులకు పండుగ అనే చెప్పాలి.ఇక ఈయనకు తెలుగులో కూడా కొద్దిగొ గొప్పో మార్కెట్ అయితే ఉంది.
అందుకే తన సినిమాలను డబ్ చేసి తెలుగులో రిలీజ్ చేస్తారు.ప్రెజెంట్ విజయ్ నటిస్తున్న సినిమా ‘వారిసు’.
ఈ సినిమా ఇప్పటికే కోలీవుడ్ లో భారీ అంచనాలను క్రియేట్ చేసింది.
ఇప్పటికే రిలీజ్ అయిన పాటలు సూపర్ హిట్ అయ్యాయి.
అలాగే ఈ సినిమా నుండి తాజాగా ట్రైలర్ కూడా రిలీజ్ అయిన విషయం తెలిసిందే.ఈ ట్రైలర్ కూడా సంచలనం క్రియేట్ చేస్తుంది.
ఈ సినిమాను తెలుగు డైరెక్టర్ వంశీ పైడిపల్లి తెరకెక్కిస్తున్నాడు.ఇక ఈ క్రేజీ సినిమాను దిల్ రాజు భారీ స్థాయిలో శ్రీ వెంకటేశ్వరా క్రియేషన్స్ బ్యానర్ పై పాన్ ఇండియా సినిమాగా నిర్మిస్తున్నాడు.
ఈ సినిమాలో రష్మిక మందన్న హీరోయిన్ గా నటించింది.మొదటిసారి విజయ్, రష్మిక జంటగా నటించడం వల్ల ఈ జోడి ఎలాంటి మ్యాజిక్ క్రియేట్ చేస్తుందా అని అంతా ఎదురు చూస్తున్నారు.ఇదిలా ఉండగా ఈ సినిమా సంక్రాంతి కానుకగా రిలీజ్ కాబోతున్న విషయం తెలిసిందే.ఈ రోజు వరల్డ్ వైడ్ అన్ని చోట్ల రిలీజ్ అయ్యింది.
అయితే తెలుగు వర్షన్ మాత్రం జనవరి 14న రిలీజ్ కాబోతుంది.మరి ఈ సాలిడ్ ఫ్యామిలీ అండ్ ఎమోషనల్ డ్రామా అన్ని భాషల్లో కూడా భారీ బిజినెస్ జరుపుకుంది.ఇక ఈ డీల్ లో సినిమా ఓటిటి హక్కులు కూడా భారీ ధరకు అమ్ముడు పోయాయి.ఇక ఇప్పుడు ఈ సినిమా రిలీజ్ కావడంతో అఫిషియల్ స్ట్రీమింగ్ పార్ట్నర్ పై క్లారిటీ వచ్చేసింది.
ఈ సినిమాను అమెజాన్ ప్రైమ్ వీడియో వారు సొంతం చేసుకున్నారు.కొన్ని నెలల తర్వాతనే ఈ సినిమా స్ట్రీమింగ్ కానుంది.