ఇండియన్ సూపర్ హీరో మూవీ అంటే వెంటనే క్రిష్ సిరీస్ గుర్తుకొస్తుంది.హృతిక్ రోషన్ టైటిల్ రోల్ లో రాకేశ్ రోషన్ దర్శకత్వంలో ఈ సిరీస్ తెరకెక్కుతూ వస్తుంది.
ఇప్పటి వరకు ఇండియన్ సూపర్ హీరో క్రిష్ సిరీస్ లో కోయీ మిల్ గయా నుంచి తీసుకుంటే మూడు సినిమాలు వచ్చాయి.మూడు భాగాలు కూడా సూపర్ హిట్ టాక్ తెచ్చుకున్నాయి.
ఈ నేపధ్యంలో ఈ సారి మరింత భారీ బడ్జెట్ తో విజువల్ వండర్ గా యూనివర్శల్ కాన్సెప్ట్ తో తెరకెక్కించేందుకు రంగం సిద్ధం అయ్యింది.ఇప్పటికే క్రిష్ 4 మూవీ గురించి రాకేశ్ రోషన్ అఫీషియల్ గా ప్రకటించారు.
వచ్చే ఏడాది ఈ సినిమా సెట్స్ పైకి వెళ్లనుంది.ఇక ఈ సినిమాని పాన్ ఇండియా రేంజ్ లో ఆవిష్కరించేందుకు సిద్ధం అవుతున్నారు.
దానికి తగ్గట్లే క్యాస్టింగ్ సెలక్షన్ కూడా జరుగుతుంది.
ఇక ఈ సినిమా కథ ఈ సారి విశ్వంతో కనెక్ట్ అయ్యి ఉంటుందని తెలుస్తుంది, ఇందులో సైన్స్, సూపర్ పవర్ మధ్య వార్ గా కథని డిజైన్ చేసినట్లు తెలుస్తుంది.
హాలీవుడ్ స్టాండర్డ్స్ లో ఈ సూపర్ మెన్ మూవీని ఈ సారి మరింత గ్రాండ్ గా తెరకెక్కించడానికి రాకేశ్ రోషన్ సిద్ధం అవుతున్నారు.ఇదిలా ఉంటే ఈ సినిమాలో హృతిక్ ఎదుర్కోబోయే విలన్ పాత్ర కోసం కోలీవుడ్ స్టార్ హీరో విజయ్ సేతుపతిని సంప్రదిస్తున్నట్లు తెలుస్తుంది.
ఇప్పటికే ఆయనతో చర్చలు జరిగినట్లు సమాచారం.ఇక విజయ్ సేతుపతి కూడా ఇందులో నటించడానికి ఆసక్తిగానే ఉన్నారని తెలుస్తుంది.త్వరలో దీనికి సంబందించిన అధికారిక ప్రకటన వచ్చే అవకాశం ఉంది.ఇక ఇందులో హీరోయిన్ గా కృతి సనన్ ఇప్పటికే ఫైనల్ అయ్యింది.