స్టార్ హీరో అంటే సినిమాల్లోనే కాదు బయటకు వచ్చినప్పుడు కూడా హుందాగా వ్యవహరించాలని అభిమానులను చీడపురుగులను చూసినట్టు చూసేవారు ఎంతోమంది ఉన్నారు.అభిమానుల విలువ తెలియక అతి చేసే హీరోలు మరెంతోమంది.
ఇక ఇప్పుడిప్పుడే సినిమాల్లో హీరోలుగా ఎదుగుతున్న హీరోలు కూడా అభిమానులకు షేక్ హ్యాండ్ ఇచ్చేనందుకు కూడా ఆలోచిస్తారు.కానీ ఓ స్టార్ హీరో మాత్రం తనను చూడటానికి వచ్చిన అభిమాని చెప్పులను చేతులతో తాకాడు.
ఆశ్చర్యంగా ఉంది కదా! నిజంగానే ఓ స్టార్ హీరో అభిమానికి చెప్పును అందించాడు.అతడు ఎవరో కాదు తమిళ్ స్టార్ విజయ్ దళపతి.పూర్తి వివరాల్లోకి వెళ్తే.శుక్రవారం నాడు ఎస్.పి.బాలసుబ్రమణ్యం తుదిశ్వాస విడిచి వెళ్లిపోయారు.అయితే నిన్న శనివారం అయన అంత్యక్రియలు జరిగాయ్.ఈ కార్యక్రమానికి హాజరైన హీరో విజయ్ తిరిగి వెళ్తున్న సమయంలో అతన్ని కలవడానికి అభిమానులు భారీస్థాయిలో గుమిగూడారు.కరోనా వైరస్ ఉందన్న విషయాన్నీ కూడా లెక్క చెయ్యకుండా వారు అంత విజయ్ ని కలిసేందుకు ప్రయత్నించారు.దీంతో అక్కడే ఉన్న పోలీసులు అభిమానులపై లాఠీ ఛార్జ్ చేశారు.
ఇక ఆ సమయంలో ఓ అభిమాని తన చెప్పులను అక్కడ జారవిడుచుకొని వెళ్ళిపోయాడు.అయితే పోలీసులు హీరో విజయ్ ని ప్రొటెక్ట్ చేస్తూ తీసుకువెళ్తున్నప్పుడు పోలీసులు ఎంత చెప్పిన వినకుండా ఆ అభిమాని చెప్పును తీసి అతడికి అందించాడు.
ఇక ఈ సంఘటనను అక్కడ ఉన్న ఎంతోమంది వీడియో తియ్యగా అది ప్రస్తుతం వైరల్ గా మారింది.ఓ స్టార్ హీరో ఇలా రియాక్ట్ అవ్వడం అందరిని షాక్ కి గురి చేస్తుంది.
ఈ వీడియో చూసిన అభిమానులు అంత వావ్ అంటూ కామెంట్స్ చేస్తున్నారు.ఏది ఏమైనా సింప్లిసిటీకి మరో పేరు విజయ్ దళపతి.