తమిళ స్టార్ హీరో విజయ్ నటించిన లేటెస్ట్ మూవీ మాస్టర్ సంక్రాంతి కానుకగా నేడు థియేటర్లలో రిలీజ్ అయిన సంగతి తెలిసిందే.ఈ సినిమా కోసం యావత్ విజయ్ ఫ్యాన్స్తో పాటు ప్రేక్షకులు ఎంతో ఆసక్తిగా ఎదురుచూస్తున్నారు.
కాగా ఈ సినిమాలో విలక్షణ నటుడు విజయ్ సేతుపతి కూడా నటిస్తుండటంతో ఈ సినిమాపై భారీ అంచనాలు క్రియేట్ అయ్యాయి.అయితే ఈ సినిమా నేడు థియేటర్లలో రిలీజ్ కావడంతో ప్రేక్షకులు పెద్ద ఎత్తున థియేటర్లకు వెళ్లి చూస్తున్నారు.ఈ సినిమా ప్రేక్షకులను ఎంతవరకు మెప్పించిందో రివ్యూలో చూద్దాం.
కథ:
ఇక ఈ సినిమా కథ విషయానికి వస్తే, కాలేజీ ప్రొఫెసర్ జేడీ(విజయ్) స్టూడెంట్స్లో తనకంటూ మంచి ఫాలోయింగ్ను క్రియేట్ చేసుకుంటాడు.అయితే ఆ కాలేజీలో స్టూడెంట్ ఎన్నికలు నిర్వహించే క్రమంలో జరిగే గొడవ కారణంగా హీరో విజయ్ తన పదవికి రిజైన్ చేసి ఓ జూవైనల్ హోమ్కు మాస్టర్గా వెళ్తాడు.ఈ క్రమంలో అక్కడ చిన్నపిల్లలతో నేరాలు చేయించే భవానీ గురించి తెలుసుకుని అతడి బారి నుండి హీరో ఆ పిల్లలను ఎలా కాపాడనేది స్తోరి.కాగా ఈ సినిమా కథ రొటీన్ కమర్షియల్ ఎంటర్టైనర్ అయినప్పటికీ హీరో విజయ్తో పాటు విలన్ విజయ్ సేతుపతి ఎలివేషన్స్ పీక్స్లో ఉండటంతో ఈ సినిమా మాస్ ప్రేక్షకులను మెప్పించడం ఖాయం.
టెక్నికల్ డిపార్ట్మెంట్:
ఈ సినిమాను దర్శకుడు లోకేష్ కనగరాజ్ తనదైన పద్దతిలో పక్కా మాస్ ఎంటర్టైనర్గా తీర్చిదిద్దాడు.హీరోతో పాటు విలన్ను కూడా అదే స్థాయిలో ఎలివేట్ చేసి ఇద్దరి పాత్రలకు పూర్తిగా న్యాయం చేశాడు ఈ డైరెక్టర్.అటు ఈ సినిమాకు సంగీతం అందించిన అనిరుధ్ రవిచంద్రన్ తనదైన ఎనర్జిటిక్ మ్యూజిక్తో ఈ సినిమాను మరో లెవెల్కు తీసుకెళ్లే ప్రయత్నం చేశాడు.
సినిమాటోగ్రఫీ ఈ సినిమాకు బాగా కలిసొచ్చిన అంశంగా చెప్పొచ్చు.ఓవరాల్గా టెక్నికల్ పరంగా ఈ సినిమాకు అన్ని అంశాలు పర్ఫెక్ట్గా కుదిరాయి అని చెప్పాలి. చివరగా: మాస్టర్ – ఎలివేషన్స్తో ఆకట్టుకున్నాడు!
రేటింగ్: 2.5/5.0
.