కోలీవుడ్ హీరో విజయ్, డైరెక్టర్ లోకేష్ కనగరాజ్ డైరెక్షన్ లో తెరకెక్కి ఈ నెల 13వ తేదీన తెలుగు, తమిళ హిందీ భాషల్లో విడుదలై యావరేజ్ ఫలితాన్ని అందుకుంది మాస్టర్.క్రిటిక్స్ నుంచి ఈ సినిమాకు పాజిటివ్ రివ్యూలు రాకపోయినా తమిళ, తెలుగు భాషల్లో ఈ సినిమాకు కలెక్షన్లు బాగానే వచ్చాయి.
కోలీవుడ్ లో స్టార్ హీరోగా గుర్తింపు తెచ్చుకున్న విజయ్ తెలుగులో సినిమాసినిమాకు మార్కెట్ ను పెంచుకుంటున్నారు.
ఇప్పటికే రజనీకాంత్, సూర్య, విశాల్ లకు తెలుగులో మార్కెట్ బాగానే ఉంది.ఈ హీరోల సినిమాలకు తెలుగులో భారీ కలెక్షన్లు వస్తున్నాయి.ఇలా తెలుగు మార్కెట్ ఉన్న హీరోలలో మాస్టర్ సినిమాతో విజయ్ కూడా చేరారు.50 శాతం ఆక్యుపెన్సీతో సైతం ఈ సినిమా భారీ కలెక్షన్లను సాధించడం గమనార్హం.మరోవైపు వచ్చే నెలలో ఈ సినిమా ఓటీటీలో విడుదల కానుందని తెలుస్తోంది.
ఫిబ్రవరి 12వ తేదీన ఈ మూవీ డిజిటల్ రిలీజ్ ఉంటుందని వార్తలు వస్తున్నాయి.
సినిమా విడుదలైన నాలుగు వారాల తరువాత ఓటీటీలో అందుబాటులోకి వస్తూ ఉండటంతో థియేటర్ల ఓనర్ల నుంచి అభ్యంతరాలు ఉండవనే చెప్పాలి.
అమెజాన్ ప్రైమ్ ఓటీటీ ద్వారా ఈ సినిమా అందుబాటులోకి రానుందని తెలుస్తోంది.టాక్ తో సంబంధం లేకుండా 50 శాతం ఆక్యుపెన్సీతో కూడా మాస్టర్ మూవీ హిట్ కావడంతో ఇతర స్టార్ హీరోలు సైతం తమ సినిమాలను థియేటర్లలో విడుదల చేయడానికి ఆసక్తి చూపుతున్నారు.
మరోవైపు ఓటీటీల ద్వారా సినిమాలు అందుబాటులోకి వస్తూ ఉండటంతో ఒక వర్గం ప్రేక్షకులు థియేటర్లకు దూరమవుతున్నారని కామెంట్లు వ్యక్తమవుతున్నాయి.చాలా సంవత్సరాల నుంచి ప్రేక్షకులకు ఓటీటీలు అందుబాటులో ఉన్నా లాక్ డౌన్ సమయంలో కొత్త సినిమాలను డైరెక్ట్ గా రిలీజ్ చేయడం ద్వారా ఎక్కువమంది యూజర్లకు ఓటీటీలు చేరువవుతున్నాయి.