టాలీవుడ్ రౌడీ స్టార్ విజయ్ దేవరకొండ ఇటీవల నటించిన వరల్డ్ ఫేమస్ లవర్ బాక్సాఫీస్ వద్ద బొక్కబోర్లా పడింది.దీంతో క్రేజీ డైరెక్టర్ పూరి జగన్నాథ్తో తన నెక్ట్స్ మూవీని పక్కా ప్లానింగ్తో తెరకెక్కిస్తున్నాడు విజయ్.
పూర్తి స్పోర్ట్స్ బ్యాక్డ్రాప్తో తెరకెక్కుతున్న ఈ సినిమాలో విజయ్ బాక్సర్గా కనిపిస్తాడు.ఇప్పటికే షూటింగ్తో బిజీగా ఉన్న ఈ సినిమాకు సంబంధించి ఓ లీకైన ఫోటో సోషల్ మీడియాలో వైరల్గా మారింది.
షూటింగ్లో భాగంగా విజయ్ దేవరకొండ హీరోయిన్ అనన్య పాండేను బైకుపై తీసుకెళ్తున్న ఫోటో ప్రస్తుతం టాలీవుడ్ హాట్ టాపిక్గా మారింది.రొమాన్స్కు కేరాఫ్గా ఉండే పూరి సినిమాలో ఇలాంటి రొమాంటిక్ సీన్లకు కొదువే ఉండదని ఈ ఫోటో చూస్తే ఇట్టే అర్థమవుతోంది.
బాలీవుడ్ బ్యూటీ అనన్య పాండేతో రౌడీ చాలా ఘాటైన రొమాన్స్ చేయనున్నాడని తెలుస్తోంది.ఇక ఈ సినిమాలో స్పోర్ట్స్ డ్రామాతో పాటు ఎమోషన్స్కు కూడా ప్రాముఖ్యత ఉండనున్నట్లు తెలుస్తోంది.
ఈ సినిమాలో రమ్యకృష్ణ విజయ్ తల్లిగా నటిస్తోంది.పూరి డైరెక్ట్ చేస్తున్న ఈ సినిమాను పూరి కనెక్ట్స్ అనే పేరుతో ఛార్మి ప్రొడ్యూస్ చేస్తోంది.
పాన్ ఇండియా మూవీగా ఈ సినిమాను భారీ స్థాయిలో రిలీజ్ చేసేందుకు బాలీవుడ్ నిర్మాత కరణ్ జోహార్ కూడా రెడీ అవుతున్నాడు.మరి ఈ సినిమాలో విజయ్-అనన్యల మధ్య ఎలాంటి రొమాన్స్ ఉంటుందో తెలయాలంటే సినిమా రిలీజ్ అయ్యే వరకు ఆగాల్సిందే.