విజయ్ దేవరకొండ హీరోగా క్రాంతి మాధవ్ దర్శకత్వంలో, క్రియేటివ్ కమర్షియల్ బ్యానర్ లో తెరకెక్కుతున్న మూవీ వరల్డ్ ఫేమస్ లవర్.ఈ సినిమా షూటింగ్ ఇప్పటికే కంప్లీట్ చేసుకొని పోస్ట్ ప్రొడక్షన్ వర్క్ జరుపుకుంటుంది.
ఇక ఈ సినిమాలో విజయ్ కి జోడీగా నలుగురు హీరోయిన్స్ నటిస్తున్నారు.ఇక ఫిబ్రవరి 14న ప్రేమికుల రోజు సందర్భంగా ఈ సినిమాని ప్రేక్షకుల ముందుకి రాబోతుంది.
ఇదిలా ఉంటే ఇప్పటికే ఈ సినిమా నుంచి వచ్చిన టీజర్, సాంగ్స్ ప్రేక్షకులని ఆకట్టుకున్నాయి.తాజాగా ఈ సినిమా ట్రైలర్ రిలీజ్ డేట్ ను చిత్ర యూనిట్ కన్ఫర్మ్ చేసింది.
ఫిబ్రవరి 6న సాయంత్రం ఈ సినిమా థియేట్రికల్ ట్రైలర్ ను విడుదల చేయనున్నారు.దీనికి సంబందించిన పోస్టర్ ను తాజాగా రిలీజ్ చేశారు.
డిఫరెంట్ కాన్సెప్ట్ తో వస్తున్న ఈ సినిమాతో విజయ్ కి కచ్చితంగా హిట్ పడాలి.గత సంవత్సరం విజయ్ దేవరకొండ చేసిన మూడు సినిమాలు డివైడ్ టాక్ తెచ్చుకోవడంతో వరల్డ్ ఫేమస్ లవర్ మీద అతను చాలా హోప్స్ పెట్టుకున్నాడు.
ఈ నేపధ్యంలో ట్రైలర్ తర్వాత పూర్తి స్థాయిలో ప్రమోషన్ మీద దృష్టిపెట్టాలని భావిస్తున్నట్లు తెలుస్తుంది.ఓ వైపు ఫితర్ సినిమా ఫస్ట్ షెడ్యూల్ పూర్తి చేసుకున్న విజయ్ ఇక సినిమాతో మరల తన మార్కెట్ స్టామినా పరిచయం చేయాలని అనుకుంటున్నాడు.