టాలీవుడ్ స్టార్ బ్యూటీ అనుష్క శెట్టి ప్రస్తుతం చాలా సెలెక్టివ్‌గా సినిమాలు చేస్తూ వస్తోంది.బాహుబలి చిత్రం తరువాత అమ్మడు సినిమాలను చాలా వరకు నెమ్మదిగా చేస్తోంది.
అయితే అనుష్క నటించిన లాస్ట్ మూవీ ‘నిశ్శబ్ధం’ నేరుగా ఓటీటీలో రిలీజ్ కావడంతో, ఈ సినిమా ప్రేక్షకులను పెద్దగా మెప్పించలేకపోయింది.దీంతో ఈసారి ఎలాగైనా అదిరిపోయే హిట్ కొట్టి గట్టి కమ్‌బ్యాక్ ఇవ్వాలని అనుష్క ప్రయత్నిస్తోంది.
ఈ క్రమంలోనే ఓ కామెడీ జోనర్ మూవీలో నటించేందుకు స్వీటీ గ్రీన్ సిగ్నల్ ఇచ్చినట్లు గతకొద్ది రోజులుగా వార్తలు వినిపిస్తున్నాయి.
జాతిరత్నాలు చిత్రంతో అదిరిపోయే క్రేజ్ సాధించిన నవీన్ పోలిశెట్టితో కలిసి అనుష్క ఓ కామెడీ ఓరియెంటెడ్ మూవీలో నటించనున్నట్లు తెలుస్తోంది.
ఈ సినిమాలో అనుష్కను మునుపెన్నడూ చూడని విధంగా కామెడీలో రెచ్చిపోనున్నట్లు ఫిలింనగర్‌లో వార్తలు వినిపిస్తున్నాయి.ఇక ఈ సినిమాలో అందరినీ సర్‌ప్రైజ్ చేసే అంశాలు కూడా ఉండబోతున్నట్లు తెలుస్తోంది.
ముఖ్యంగా ఈ సినిమాలో ఓ కీలక పాత్రలో రౌడీ స్టార్ విజయ్ దేవరకొండ నటించబోతున్నట్లు తెలుస్తోంది.ఆయన పాత్ర ఈ సినిమాకు చాలా కీలకంగా ఉండబోతుందని టాక్.
అయితే ఆయన చేసేది హీరో పాత్ర మాత్రం కాదట.దీంతో అనుష్క చిత్రంలో విజయ్ దేవరకొండ ఎలాంటి పాత్రలో నటిస్తాడా అనేది ప్రస్తుతం ఆసక్తికరంగా మారింది.
ఇక ఈ సినిమాను ‘రారా కృష్ణయ్య’ చిత్ర దర్శకుడు మహేష్ తెరకెక్కిస్తుండగా, ఈ సినిమాకు ‘మిస్ శెట్టి.మిస్టర్ పోలిశెట్టి’ అనే ఫన్నీ టైటిల్‌ను కూడా చిత్ర యూనిట్ ఫిక్స్ చేసినట్లు తెలుస్తోంది.
మొత్తానికి ఈ సినిమాతో మరోసారి కామెడీతో ప్రేక్షకులను అలరించేందుకు నవీన్ పోలిశెట్టి రెడీ అవుతున్నట్లు కనిపిస్తుంది.మరి ఈ సినిమాను ఎప్పుడు పట్టాలెక్కిస్తారా, ఎప్పుడు రిలీజ్ చేస్తారా అనేది తెలియాలంటే మరికొంత కాలం ఆగాల్సిందే.
